രൂപയുടെ മൂല്യത്തില്‍ റെക്കോഡ് തകര്‍ച്ച
യു.എസ് ഡോളറിനെതിരെ രൂപയുടെ മൂല്യം തുടർച്ചയായി ഇടിവ് നേരിടുന്നു. ചരിത്രത്തിൽ ആദ്യമായി 86.54 നിലവാരത്തിലേക്ക് രൂപ പതിച്ചു. തിങ്കളാഴ്ച മാത്രം 0.7 ശതമാനം ഇടിവ് രേഖപ്പെടുത്തി, ഇത് കഴിഞ്ഞ രണ്ട് വർഷത്തിനിടയിൽ ഒരൊറ്റ ദിവസത്തെ ഏറ്റവും വലിയ ഇടിവാണ്. ഡോളർ സൂചിക 110ലേക്ക് ഉയർന്നിരുന്നു.
മറ്റു ഏഷ്യന്‍ കറന്‍സികളിലും വലിയ ഇടിവുകൾ കാണാനായി, ഇന്തോനേഷ്യന്‍ കറന്‍സി 0.6 ശതമാനം ഇടിവ് നേരിട്ടു.യു.എസ് തൊഴില്‍ മേഖലയിലെ കുതിപ്പാണ് പ്രധാന ഇടിവിന്റെ കാരണമായി കരുതുന്നത്. പ്രതീക്ഷിച്ചിരുന്നപ്പോഴേക്കും നിരക്കിളവ് പ്രഖ്യാപിക്കപ്പെടാത്ത സാഹചര്യത്തിൽ യു.എസിലെ കടപ്പത്ര ആദായത്തിൽ വർധനവുണ്ടായി, ഇത് വിദേശ നിക്ഷേപകര്‍ ഇന്ത്യൻ വിപണിയിൽ നിന്ന് പിന്മാറുന്നതിന് കാരണമായി.
ജനുവരി മാസത്തിൽ മാത്രം നാല് ബില്യണ്‍ ഡോളറിന്റെ ഓഹരികൾ വിറ്റഴിക്കപ്പെട്ടു.റിസര്‍വ് ബാങ്ക് രൂപയുടെ മൂല്യം നിലനിർത്താൻ ശക്തമായ ഇടപെടലുകള്‍ നടത്തിവരികയാണ്. ജനുവരി 3ന് അവസാനിച്ച ആഴ്ചയിൽ, രാജ്യത്തെ വിദേശ നാണ്യ കരുതല്‍ ശേഖരം 5.693 ബില്യണ്‍ ഡോളര്‍ കുറഞ്ഞ് 634.585 ബില്യണ്‍ ഡോളറായി.
