വിവോ വൈ29 5ജി ഇന്ത്യയില്‍: എഐ ഫീച്ചറുകളുള്ള ക്യാമറ, 5500 എംഎഎച്ച് ബാറ്ററി, പ്രാരംഭ വില 13,999 രൂപ
ദില്ലി: ചൈനീസ് സ്മാർട്ഫോൺ നിർമ്മാതാക്കളായ വിവോ, തങ്ങളുടെ പുതിയ വൈ സീരീസിൽ ഒരുക്കിയ മോഡലായ വിവോ വൈ29 5ജി ഇന്ത്യയിൽ പുറത്തിറക്കി. 13,999 രൂപയിലാണ് ഈ പുതിയ മോഡലിന്റെ ആരംഭ വില. ആകർഷകമായ ഡിസൈനും മികച്ച ഫീച്ചറുകളും ഉൾപ്പെടുത്തിയാണ് വിവോ വൈ29 5ജി അവതരിപ്പിച്ചിരിക്കുന്നത്.
വെറും 8.1 മില്ലീമീറ്റർ കനം കൊണ്ടുള്ള ഈ ഫോൺ പ്രീമിയം ലുക്കിനോടെയാണ് വരുന്നത്. 6.68 ഇഞ്ച് വലുപ്പമുള്ള 120Hz എൽസിഡി ഡിസ്‌പ്ലേയും IP64 റേറ്റിംഗുമുള്ള ഈ ഹാൻഡ്സെറ്റിൽ, മീഡിയടെക് ഡൈമെൻസിറ്റി 6300 പ്രോസസറാണ് പ്രവർത്തനത്തിന് കരുത്ത് നൽകുന്നത്. 8 ജിബി വരെ റാം, 256 ജിബി വരെ സ്റ്റോറേജ് എന്നീ വേരിയന്റുകളിൽ ഫോൺ ലഭ്യമാകും. ആൻഡ്രോയ്ഡ് 14 അടിസ്ഥാനമാക്കി ഫൺടച്ച് ഒഎസ് 14 ഓപ്പറേറ്റിംഗ് സിസ്റ്റമാണ് ഫോൺ പ്രവർത്തിക്കുന്നത്. വിവോ വൈ29 5ജിയിലെ പ്രധാന ക്യാമറ 50 എംപിയാണ്, അതിൽ എഐ നൈറ്റ് മോഡ്, സീൻ മോഡുകൾ, എഐ ഫോട്ടോ എൻഹാൻസ്, എഐ ഇറേസ് തുടങ്ങിയ പുതിയ ഫീച്ചറുകൾ ഉൾപ്പെടുത്തിയിട്ടുണ്ട്. സെൽഫിക്കും വീഡിയോ കോളിംഗിനുമുള്ള മുന്നിലെ ക്യാമറ 8 എംപിയുടേതാണ്. 5500 എംഎഎച്ച് ബാറ്ററിയാണ് ഈ ഫോണിന്റെ ഒരു പ്രധാന ആകർഷണം. 44 വാട്ടിന്റെ ഫാസ്റ്റ് ചാർജിംഗ് സംവിധാനവും ഉൾപ്പെടുത്തിയിട്ടുണ്ട്, ഇത് 19.7 മണിക്കൂർ വരെ യൂട്യൂബ് പ്ലേബാക്ക് നൽകുമെന്ന് കമ്പനി അവകാശപ്പെടുന്നു.
വിവോ വൈ29 5ജി നാല് നിറങ്ങളിൽ ലഭ്യമാകും.
4GB+128GB മോഡലിന് 13,999 രൂപ, 6GB+128GB മോഡലിന് 15,499 രൂപ, 8GB+128GB മോഡലിന് 16,999 രൂപ, 8GB+256GB മോഡലിന് 18,999 രൂപ എന്നിങ്ങനെയാണ് വില.
ഉപഭോക്താക്കൾക്ക് വിവോയുടെ ഔദ്യോഗിക ഓൺലൈൻ സ്റ്റോറിലൂടെ ഫോൺ വാങ്ങാനാവും.
