അടുത്ത മാസം ഹ്യുണ്ടായ് അവതരിപ്പിക്കുന്നു രണ്ട് ഇലക്ട്രിക് എസ്‌യുവികൾ: ക്രെറ്റ ഇവി, അയോണിക് 9
ദക്ഷിണ കൊറിയൻ വാഹന നിർമ്മാതാക്കളായ ഹ്യൂണ്ടായ് മോട്ടോർ ഇന്ത്യ 2025-ലെ ഭാരത് മൊബിലിറ്റി ഷോയിൽ രണ്ട് പുതിയ ഇലക്ട്രിക് എസ്‌യുവികൾ, ക്രെറ്റ ഇവിയും അയോണിക് 9-ഉം അവതരിപ്പിക്കാനൊരുങ്ങുന്നു. ചടങ്ങിൽ ഹ്യൂണ്ടായ് ക്രെറ്റ ഇവിയുടെ വിലയും പ്രഖ്യാപിക്കുമെന്ന് കമ്പനി അറിയിച്ചു. ടാറ്റ കർവ്വ് ഇവി, എംജി ഇസെഡ്എസ് ഇവി, മാരുതി ഇ-വിറ്റാര എന്നിവയോടാണ് ക്രെറ്റ ഇവി മത്സരിക്കുന്നത്. അതേസമയം, ഇ-ജിഎംപി പ്ലാറ്റ്‌ഫോം അടിസ്ഥാനമാക്കി വികസിപ്പിച്ച ബ്രാൻഡിന്റെ ഉയർന്ന നിലവാരമുള്ള എസ്‌യുവിയാണ് ഹ്യൂണ്ടായ് അയോണിക് 9.
ഹ്യൂണ്ടായ് ക്രെറ്റ ഇവി
ഹ്യൂണ്ടായ് ക്രെറ്റ ഇവിയുടെ പവർട്രെയിൻ സംബന്ധിച്ച വിശദാംശങ്ങൾ കമ്പനി ഇതുവരെ വെളിപ്പെടുത്തിയിട്ടില്ല. എങ്കിലും 45kWh ബാറ്ററിയും സിംഗിൾ മോട്ടോർ സജ്ജീകരണവുമാണുണ്ടാകുമെന്ന് പ്രതീക്ഷിക്കുന്നു. 138bhp കരുത്തും 255Nm ടോർക്കും ഈ എസ്‌യുവി നൽകും. ഒരു ചാർജിൽ 350 കിലോമീറ്ററിലധികം റേഞ്ച് വാഗ്ദാനം ചെയ്യുമെന്ന് പ്രതീക്ഷിക്കുന്നുണ്ട്. സ്പൈ ചിത്രങ്ങളിൽ കാണുന്നത് അനുസരിച്ച്, ഹ്യൂണ്ടായ് ക്രെറ്റ ഇവിയിൽ അടച്ച ഫ്രണ്ട് ഗ്രിൽ, പുതുക്കിയ ഫ്രണ്ട്, റിയർ ബമ്പറുകൾ, പുതിയ അലോയ് വീലുകൾ എന്നിവ ഉൾപ്പെടും.
ഹ്യൂണ്ടായ് അയോണിക് 9
ഹ്യൂണ്ടായ് അയോണിക് 9-ൽ 110.3kWh ലിഥിയം-അയൺ ബാറ്ററി പാക്കും RWD, AWD എന്നിങ്ങനെ രണ്ട് ഡ്രൈവ്ട്രെയിൻ ഓപ്ഷനുകളും ലഭ്യമാണ്. ലോംഗ് റേഞ്ച് പതിപ്പിന് 218PS കരുത്തും 350Nm ടോർക്കും ഉണ്ടാകും, കൂടാതെ WLTP പ്രകാരം 620 കിലോമീറ്റർ റേഞ്ച് വാഗ്ദാനം ചെയ്യുന്നു. AWD പതിപ്പിന് 95PS (ഫ്രണ്ട് ആക്‌സിൽ), 218PS (റിയർ ആക്‌സിൽ) പവർ ഉണ്ട്, 255Nm (ഫ്രണ്ട്) 350Nm (റിയർ) ടോർക്ക് ഉൽപാദിക്കും. 400V, 800V ചാർജിംഗ് സംവിധാനങ്ങളോടൊപ്പം V2L (വാഹനം-ടു-ലോഡ്) പ്രവർത്തനവും ഈ എസ്‌യുവി പിന്തുണയ്ക്കുന്നു. ഹ്യൂണ്ടായ് അയോണിക് 9 രണ്ട് സീറ്റിംഗ് ലേഔട്ടുകളിൽ ലഭിക്കും – 6 സീറ്ററും 7 സീറ്ററുമാണ്. 12 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, 12 ഇഞ്ച് ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, പനോരമിക് സൺറൂഫ്, റൂഫ് മൗണ്ടഡ് എസി വെൻ്റുകൾ, 10 എയർബാഗുകൾ, എഡിഎഎസ് സിസ്റ്റം, ക്യാമറകളും സെൻസറുകളും ഉൾപ്പെടെയുള്ള സവിശേഷതകളും ഹ്യൂണ്ടായ് അയോണിക് 9 വാഗ്ദാനം ചെയ്യുന്നു. ഇതോടെ, അടുത്ത മാസം ഹ്യൂണ്ടായ് ഇലക്ട്രിക് എസ്‌യുവി വിപണിയിൽ പുതിയ ശക്തമായ മത്സരത്തിന് തുടക്കമിടുകയാണ്.
