സ്വർണവിലയിൽ നേരിയ വർധന; പവന് 200 രൂപ കൂടി
സ്വർണവിലയിൽ നേരിയ വർധന. ഗ്രാമിന് 25 രൂപയും പവന് 200 രൂപയുമാണ് വര്‍ധിച്ചത്. ഇതോടെ സ്വര്‍ണം ഗ്രാമിന് 7105 രൂപയും പവന് 56840 രൂപയുമായി ഉയര്‍ന്നു. കഴിഞ്ഞ രണ്ടു ദിവസമായി സ്വര്‍ണവില പവന് 1760 രൂപ കുറഞ്ഞിരുന്നു. ഇതോടെ വിവാഹ ആവശ്യങ്ങള്‍ക്കായി പൊന്നുവാങ്ങാനിരുന്നവര്‍ക്ക് ആശ്വാസമായിരുന്നു. പലരും സ്വര്‍ണം ബുക്കുചെയ്യാനും തുടങ്ങിയിരുന്നു. എന്നാല്‍ വീണ്ടും ട്രെന്‍ഡ് മാറി. 18 കാരറ്റ് സ്വര്‍ണത്തിനും വില വര്‍ധിച്ചിട്ടുണ്ട്. ഗ്രാമിന് 20 രൂപ വര്‍ധിച്ച് 5870 രൂപയിലാണ് വ്യാപാരം പുരോഗമിക്കുന്നത്. എന്നാല്‍ വെള്ളിക്ക് ഇന്ന് വില വ്യത്യാസം ഉണ്ടായിട്ടില്ല. ഗ്രാമിന് 96 രൂപയാണ് ഇന്നത്തെ വിപണിവില.
