കൊപ്ര, വെളിച്ചെണ്ണ വിലയിൽ വർദ്ധനവ്; കുരുമുളക് വില ഇടിഞ്ഞു
കുരുമുളക് വിലയിൽ തകർച്ച; വിപണിയിൽ പ്രതിസന്ധി നിലനിൽക്കുംകുരുമുളകിന്റെ വില രണ്ട് ദിവസത്തിനിടെ ക്വിൻറലിന് 800 രൂപ കുറഞ്ഞതോടെ ഉൽപ്പന്നം പ്രതിസന്ധി നേരിടുന്നു. സീസൺ ആരംഭിക്കാൻ മാസങ്ങൾ ബാക്കിയായതിനാൽ വില തിരിച്ചുപിടിക്കുമെന്ന പ്രതീക്ഷയിലാണ് കാർഷികമേഖല. ചില കേന്ദ്രങ്ങളിൽ ഇറക്കുമതി കുരുമുളക് കലർത്തി വിറ്റുവെന്ന റിപ്പോർട്ടുകൾ വിപണിയെ പ്രതികൂലമായി ബാധിച്ചു. അൺ ഗാർബിൾഡ് കുരുമുളക് 62,400 രൂപയും ഗാർബിൾഡ് 64,400 രൂപയും ആയി വില കുറഞ്ഞു.പച്ചതേങ്ങയുടെ റെക്കോർഡ് നിരക്ക് മില്ലുകളെ ഉയർന്ന വിലയ്ക്ക് കൊപ്ര സംഭരിക്കാൻ പ്രേരിപ്പിച്ചു. വ്യവസായ മേഖലയിൽ നിന്നുള്ള ഡിമാൻഡിൽ കൊപ്രയുടെ ക്വിൻറൽ വില 14,200 രൂപയിലേയ്ക്കുയർന്നു. വെളിച്ചെണ്ണ 21,100 രൂപയിലെത്തി, 200 രൂപയുടെ വർധന രേഖപ്പെടുത്തി. തമിഴ്നാട്ടിലും എണ്ണവിലയിൽ വർധന അനുഭവപ്പെട്ടപ്പോൾ ഗ്രാമീണ മേഖലയിലും പച്ചതേങ്ങ വിലയിൽ മെച്ചം കണ്ടു.
