500+ സൗജന്യ ചാനലുകള്‍; ബിഎസ്എന്‍എല്‍ ഐഎഫ്‌ടിവി ലൈവ് ടിവി സേവനം ആരംഭിച്ചു
ദില്ലി: രാജ്യത്തെ ആദ്യത്തെ ഫൈബര്‍ അധിഷ്ഠിത ഇന്‍ട്രാനെറ്റ് ടിവി സേവനം ആരംഭിച്ച് ബിഎസ്എന്‍എല്‍. പുതിയ സേവനം ‘ഐഎഫ്‌ടിവി’ എന്ന പേരില്‍ ആണ് ബിഎസ്എന്‍എല്‍ അവതരിപ്പിച്ചിരിക്കുന്നത്. ബിഎസ്എന്‍എല്ലിന്‍റെ ഫൈബര്‍-ടു-ദി-ഹോം (എഫ്‌ടിടിഎച്ച്) ഉപഭോക്താക്കള്‍ക്കളെ ലക്ഷ്യമിട്ടുള്ള ഈ ഇന്‍റര്‍നെറ്റ് ടിവി സൗജന്യമായാണ് ലഭ്യമാകുക. സെറ്റ്-ടോപ് ബോക്‌സ് പോലുള്ള യാതൊരു ഉപകരണവും കൂടാതെ തന്നെ ഈ സേവനത്തിലൂടെ ഉപയോക്താക്കള്‍ക്ക് 500-ലധികം ടിവി ചാനലുകള്‍ കാണാനാകും.മധ്യപ്രദേശ്, തമിഴ്‌നാട് എന്നിവിടങ്ങളില്‍ ആദ്യഘട്ടത്തില്‍ ഐഎഫ്‌ടിവി സേവനം ലഭ്യമാക്കിയ ശേഷം മറ്റ് സര്‍ക്കിളുകളിലേക്കും ഇത് വ്യാപിപ്പിക്കാനാണ് ബിഎസ്എന്‍എല്‍ ആസൂത്രണം. നിലവില്‍ ജിയോ ടിവി പ്ലസിന് ബിഎസ്എന്‍എല്‍ നല്‍കുന്ന എതിരാളിയായെങ്കിലും, ഇരു സേവനങ്ങളിലും വ്യത്യാസമുണ്ട്.ജിയോ ടിവി പ്ലസില്‍ നിന്ന് വ്യത്യസ്തമായി, ഐഎഫ്‌ടിവി ഉപഭോക്താക്കളുടെ ഇന്‍റര്‍നെറ്റ് ഡാറ്റ ഉപയോഗിക്കുന്നില്ല. അതായത്, ഇന്‍റര്‍നെറ്റ് ഗതിമാറ്റങ്ങള്‍ സംഭവിച്ചാലും ടെലിവിഷന്‍ സ്ട്രീമിംഗ് നിലനിര്‍ത്താം. ഉയർന്ന നിലവാരത്തിലുള്ള ടിവി സ്ട്രീമിംഗ് സൗകര്യമാണ് ഈ സേവനം നല്‍കുക എന്ന് ബിഎസ്എന്‍എല്‍ ഉറപ്പുനല്‍കുന്നു. ആന്‍ഡ്രോയിഡ് ടിവി ഉപയോക്താക്കള്‍ക്ക് നിലവില്‍ ഈ സേവനം ഉപയോഗിക്കാനാവും, സെറ്റ്-ടോപ് ബോക്‌സ് പോലുള്ള അധിക ഉപകരണങ്ങള്‍ ആവശ്യമില്ല. കൂടാതെ, വീഡിയോ ഓണ്‍ ഡിമാന്‍ഡ്, പേ ടിവി സേവനങ്ങളും ഐഎഫ്‌ടിവി ഉള്‍പ്പെടുത്തുന്നതാണ്.
