ദീപാവലി സീസണിൽ ഭക്ഷ്യ എണ്ണ വില കുതിച്ചുയരുന്നു; താളം തെറ്റി അടുക്കള ബജറ്റ്

രാജ്യത്ത് പാം ഓയിൽ വില ഒരു മാസത്തിനിടെ 37% ഉയർന്നതോടെ അടുക്കള ബജറ്റിനെ സാരമായി ബാധിക്കും. ദീപാവലി ഉത്സവകാലത്ത് മധുരപലഹാര നിർമ്മാണം ഉൾപ്പെടെയുള്ള ആവശ്യങ്ങൾക്കായി പാം ഓയിൽ ഡിമാൻഡ് കൂടുന്നതും ഈ വിലക്കയറ്റത്തിന് കാരണമാണ്.അതേസമയം, വീടുകളിൽ ഉപയോഗിക്കുന്ന കടുകെണ്ണയുടെ വിലയിൽ 29% വർധനയുണ്ടായി. സെപ്റ്റംബറിൽ റീട്ടെയിൽ പണപ്പെരുപ്പം ഒമ്പത് മാസത്തെ ഉയർന്ന നിരക്കായ 5.5 ശതമാനത്തിലെത്തിയതും എണ്ണവിലയുടെ ഉയർച്ചക്ക് കാരണമായി.സോയാബീൻ, ഈന്തപ്പഴം, സൂര്യകാന്തി എണ്ണ എന്നിവയുടെ ഇറക്കുമതി തീരുവ കഴിഞ്ഞ മാസം സർക്കാർ ഉയർത്തിയതും വിലക്കയറ്റം സൃഷ്ടിച്ചു. പാം ഓയിൽ, സോയാബീൻ, സൂര്യകാന്തി എണ്ണയുടെ ഇറക്കുമതി തീരുവ 5.5% ൽ നിന്ന് 27.5% ആയും ശുദ്ധീകരിച്ച എണ്ണയുടെ ഇറക്കുമതി തീരുവ 13.7% ൽ നിന്ന് 35.7% ആയും വർധിപ്പിച്ചിരുന്നു.ഭക്ഷ്യ എണ്ണയുടെ 58% ഇന്ത്യ ഇറക്കുമതി ചെയ്യുന്നുണ്ട്. സസ്യ എണ്ണകളുടെ ഏറ്റവും വലിയ ഇറക്കുമതിക്കാരനായ ഇന്ത്യയ്ക്ക് ആഗോള വില വർധനവും കടുത്ത വെല്ലുവിളിയാണ്. പാം ഓയിൽ, സോയാബീൻ, സൂര്യകാന്തി എണ്ണയുടെ ആഗോള വില യഥാക്രമം 10.6%, 16.8%, 12.3% എന്നിങ്ങനെ ഉയർന്നിട്ടുണ്ട്.ഇറക്കുമതി തീരുവ കുറക്കാൻ സാധ്യതയില്ലാത്തതിനാൽ വരും മാസങ്ങളിൽ വില കൂടുതൽ ഉയരാനാണ് സാധ്യത. കർഷകർക്ക് നല്ല വില ലഭ്യമാക്കാൻ ഇപ്പോഴത്തെ ഇറക്കുമതി തീരുവ നിലനിറുത്തണം എന്നും വ്യവസായ വൃത്തങ്ങൾ നിർദ്ദേശിക്കുന്നു.