മാറ്റമില്ലാതെ സ്വർണ വില, സെഞ്ച്വറി കടന്ന് വെള്ളിയും

തിരുവനന്തപുരം: സംസ്ഥാനത്ത് സ്വർണവില ചരിത്രത്തിലെ ഏറ്റവും ഉയർന്ന നിരക്കിൽ തന്നെ തുടരുന്നു. കഴിഞ്ഞ ദിവസം പവന് 160 രൂപയുടെ വർധനവുണ്ടായിരുന്നു, ഇത് ഇപ്പോഴും തുടർന്നിരിക്കുകയാണ്. ഇപ്പോഴത്തെ വിപണി നിരക്കിൽ ഒരു പവൻ സ്വർണം 58,400 രൂപയാണ്.സ്വർണവില ഉയർന്നതോടെ സ്വർണാഭരണ ഉപഭോക്താക്കൾ ആശങ്കയിലായിരിക്കുകയാണ്. വിപണി വിദഗ്ധരുടെ അഭിപ്രായത്തിൽ അടുത്ത ദിവസങ്ങളിലും വില ഉയരാൻ സാധ്യതയുണ്ട്. ലോകത്തിലെ ഭൗമരാഷ്ട്രീയ സാഹചര്യങ്ങൾ കുഴക്കമുള്ളതും, സുരക്ഷിത നിക്ഷേപമെന്ന നിലയിൽ സ്വർണം വാങ്ങാനുള്ള ആളുകളുടെ മുൻഗണനയാണ് വിലയുടെ ഉയർച്ചയ്ക്ക് കാരണം.ഇന്നത്തെ നിലയിൽ ഒരു പവൻ സ്വർണം വാങ്ങാൻ കുറഞ്ഞത് അഞ്ചു ശതമാനം പണിക്കൂലിയും മൂന്നു ശതമാനം ജിഎസ്ടിയും എച്ച് യു ഐ ഡി ചാർജും ചേർന്ന് 63,350 രൂപവരെ ചെലവാകുമെന്ന് കണക്കാക്കാം.22 കാരറ്റ് സ്വർണത്തിന്റെ ഗ്രാംവില 7,300 രൂപയും 18 കാരറ്റ് സ്വർണത്തിന്റെ ഗ്രാംവില 6,025 രൂപയുമാണ്. വെള്ളിയുടെ വില ഇന്നും ഉയരത്തിലാണുള്ളത്; ഒരു രൂപയുടെ വർധനയോടെ ഒരു ഗ്രാം വെള്ളിയുടെ വില 105 രൂപയായി.