അദാനി ഗ്രൂപ്പും ഗൂഗിളും ഒന്നിക്കുന്നു; ലക്ഷ്യം ‘ക്ലീൻ എനർജി

‘ഇന്ത്യയിലെ ‘ക്ലീൻ എനർജി’ വികസിപ്പിക്കാനുള്ള ലക്ഷ്യത്തോടെ, അദാനി ഗ്രൂപ്പും ഗൂഗിളും ഒന്നിക്കുന്നു. ഗൂഗിളിന്റെ ക്ലൗഡ് സേവനങ്ങൾ ഉൾപ്പെടെയുള്ള പ്രവർത്തനങ്ങൾ ക്ലീൻ എനർജിയിൽ ഉറപ്പിക്കാനാണ് ഈ പദ്ധതി.ഇന്ത്യയിലെ ക്ലീൻ എനർജിയുടെ വളർച്ചക്ക് പിന്തുണ നൽകുന്നതിനായി, അദാനി ഗ്രൂപ്പിന്റെ പദ്ധതി പ്രകാരം, ഗൂഗിള്‍ വൈദ്യുതി സ്വീകരിക്കും. ഗുജറാത്തിലെ ഖവ്ദയിൽ സ്ഥിതി ചെയ്യുന്ന ലോകത്തിലെ ഏറ്റവും വലിയ പുനരുപയോഗ ഊർജ കേന്ദ്രത്തിൽ നിന്നുള്ള വൈദ്യുതി ഗൂഗിളിനും വിതരണം ചെയ്യും.സൗരോർജവും കാറ്റിലും നിന്നുള്ള വൈദ്യുതി ഉല്പാദിപ്പിക്കുന്ന ഈ ഹൈബ്രിഡ് പദ്ധതി 2025-ന്റെ മൂന്നാം പാദത്തിൽ വാണിജ്യമായി പ്രവർത്തനം ആരംഭിക്കുമെന്ന് അദാനി ഗ്രൂപ്പ് അറിയിച്ചു.കാറ്റ്, സൗരോർജം, ഹൈബ്രിഡ് എന്നിവയെ ഉൾപ്പെടുത്തിയിരിക്കുന്ന വലിയ തോതിലുള്ള പുനരുപയോഗ ഊർജ പദ്ധതികൾ വാണിജ്യ, വ്യവസായ ആവശ്യങ്ങൾക്ക് അദാനി ഗ്രൂപ്പ് ഒരുക്കുന്നതാണ്. കാർബൺ ബഹിർഗമനം കുറയ്ക്കുന്നതിനും വ്യവസായങ്ങളെ അവരുടെ ഊർജ ആവശ്യങ്ങൾ നിറവേറ്റാനുമുള്ള ലക്ഷ്യം കൊണ്ടാണ് കമ്പനി പ്രവർത്തിക്കുന്നത്.തങ്ങളുടെ കമ്പനികൾക്ക് 24/7 കാർബൺ രഹിത ഊർജം നൽകാനുള്ള ലക്ഷ്യമിടുകയാണ് ഗൂഗിള്‍. 2030-ഓടെ, ഈ ലക്ഷ്യം 50 ശതമാനം പൂർത്തിയാക്കാൻ ടെക് ഭീമൻ ആഗ്രഹിക്കുന്നു. 2019-ൽ ഈ പദ്ധതി ആരംഭിച്ചതാണ്.ഇന്ത്യയിലെ പുനരുപയോഗ ഊർജ സ്രോതസുകൾ പ്രയോജനപ്പെടുത്തിക്കൊണ്ട്, ഗൂഗിളിന്റെ ക്ലൗഡ് സേവനങ്ങൾ ഉൾപ്പെടെയുള്ള പ്രവർത്തനങ്ങൾ ക്ലീൻ എനർജിയിൽ ഉറപ്പിക്കാൻ വേണ്ടി അദാനി ഗ്രൂപ്പുമായി ചേർന്ന് പ്രവർത്തനങ്ങൾ നടത്തുകയാണ് ഗൂഗിള്‍.