പണനയ സംഘടന പുനഃസംഘടിപ്പിച്ചു

ആർബിഐയുടെ പണനയ അവലോകനത്തിന് മുന്നോടിയായി, കേന്ദ്ര സർക്കാർ പണനയ സമിതിയുടെ പുനഃസംഘടന നടത്തിയത് ശ്രദ്ധേയമാണ്. ഈ മാസം 7, 8 തീയതികളിൽ പണനയ അവലോകനം നടക്കാനിരിക്കുന്നതായാണ് റിപ്പോർട്ടുകൾ.

പുതുതായി മൂന്ന് സർക്കാർ ഇതര അംഗങ്ങളെ പണനയ സമിതിയിൽ നിയമിച്ചിട്ടുണ്ട്. ഡെൽഹി സ്കൂൾ ഓഫ് ഇക്കണോമിക്സ് ഡയറക്ടർ രാം സിംഗ്, പ്രമുഖ സാമ്പത്തിക ശാസ്ത്രജ്ഞൻ സൗഗത ഭട്ടാചാര്യ, ഇൻസ്റ്റിറ്റ്യൂട്ട് ഫോർ സ്റ്റഡീസ് ഇൻ ഇൻഡസ്ട്രിയൽ ഡെവലപ്‌മെന്റ് ഡയറക്ടറും ചീഫ് എക്‌സിക്യൂട്ടീവുമായ നാഗേഷ് കുമാർ എന്നിവരാണ് ബാഹ്യ അംഗങ്ങൾ. ഇവരുടെ നിയമനം നാല് വർഷത്തേക്കാണ്.

സമിതിയിലെ മറ്റ് അംഗങ്ങൾ റിസർവ് ബാങ്ക് ഓഫ് ഇന്ത്യയിൽ നിന്നുള്ളവരായിരിക്കും. ആർബിഐയുടെ ഡെപ്യൂട്ടി ഗവർണറും സെൻട്രൽ ബോർഡിന്റെ നാമനിർദ്ദേശത്തിലുണ്ടാകുന്ന ഒരു ആർബിഐ ഉദ്യോഗസ്ഥനും സമിതിയിൽ അംഗങ്ങളായി ഉൾപ്പെടും. സമിതിയുടെ അധ്യക്ഷ സ്ഥാനം ആർബിഐ ഗവർണറിനാണ്. ആകെ ആറ് അംഗങ്ങളുള്ള ഈ സമിതിയിൽ ഭൂരിപക്ഷ തീരുമാനത്തിനെതിരെ അഭിപ്രായ വ്യത്യാസങ്ങൾ നേരത്തെ ഉണ്ടായതാണ് പുനഃസംഘടനയ്ക്ക് കാരണം എന്നാണ് വിലയിരുത്തപ്പെടുന്നത്.