കെൽട്രോണിന്റെ പുതിയ കരാർ നോർവെയിൽ നിന്ന്
നോർവേയിലെ ഇലക്ട്രോണിക്സ് ആൻഡ് ഇലക്ട്രിക്കൽ കമ്പനിയായ എൽടോർക്കുമായി കരാർ ഒപ്പിട്ടു. കൺട്രോൾ ആൻഡ് ഇൻസ്ട്രുമെന്റേഷൻ മേഖലയിലെ ഇലക്ട്രിക്, ഹൈഡ്രോളിക്, എലക്ട്രോ-ഹൈഡ്രോളിക് ആക്ചുവേറ്ററുകളുടെ രൂപകൽപ്പനയും നിർമ്മാണവും നടപ്പിലാക്കാൻ സംയുക്തമായി പ്രവർത്തിക്കാനാണ് കരാറിന്റെ ലക്ഷ്യം.
വ്യവസായ മന്ത്രി പി രാജീവ് സാന്നിധ്യത്തിൽ, കെൽട്രോൺ മാനേജിംഗ് ഡയറക്ടർ ശ്രീ. ശ്രീകുമാർ നായർ, എൽടോർക്ക് സി.ഇ.ഒ. ശ്രീ. ഹെർമൻ ക്ലങ്‌സോയറെ തമ്മിൽ സഹകരണപത്രം കൈമാറിയിട്ടുണ്ട്. കപ്പലുകൾക്കുൾപ്പെടെ ആക്ചുവേറ്ററുകളും കൺട്രോൾ സിസ്റ്റങ്ങളും നിർമ്മിക്കുന്ന സ്ഥാപനമാണ് എൽടോർക്ക്.
കഴിഞ്ഞ 40 വർഷത്തിനിടയിൽ L&T അടക്കമുള്ള വിവിധ ഇന്ത്യൻ വ്യവസായങ്ങൾക്ക് കൺട്രോൾ & ഇൻസ്ട്രുമെന്റേഷൻ സംവിധാനം അരൂരിലുള്ള കെൽട്രോൺ കൺട്രോളിൽ നിന്ന് ലഭ്യമാണ്. കൺട്രോൾ സിസ്റ്റത്തിന്റെ രൂപകല്പന, എഞ്ചിനീയറിങ്, സിസ്റ്റം ഇന്റഗ്രേഷൻ, പ്രോഗ്രാമിംഗ്, കമ്മീഷനിങ് എന്നിവയെല്ലാം കെൽട്രോൺ ഏറ്റെടുക്കുന്നുണ്ട്. എൽടോർക്കുമായുള്ള പുതിയ സഹകരണ കരാറിന്റെ ഭാഗമായി, കെൽട്രോണിന് ഇലക്ട്രിക്, ഇലക്ട്രോ-ഹൈഡ്രോളിക് ആക്ച്വേറ്ററുകൾ നിർമ്മിക്കുന്നതിനും കൂടുതൽ ഓർഡറുകൾ ലഭിക്കാൻ അവസരം ഒരുക്കും.
