ഇന്ത്യയിലും എയര്‍ ടാക്‌സികളുടെ കാലം വരുന്നു
ഇന്ത്യയിലെ നഗരങ്ങളിലേക്കും എയര്‍ ടാക്‌സികളുടെ വ്യാപനം അടുത്ത കാലം പ്രതീക്ഷിക്കപ്പെടുന്നു. വിദേശ രാജ്യങ്ങളില്‍ പര്യാപ്തമായ ഡിമാന്റ് നയിക്കുന്ന ഈ സംരംഭം, ഇന്ത്യന്‍ നഗരങ്ങളിലേക്കും എത്തുന്നതിനുള്ള സാധ്യതകളാണ് ഇപ്പോള്‍ ചര്‍ച്ചയില്‍. ഡല്‍ഹിയില്‍ നടന്ന ഏഷ്യാ പസഫിക് സിവില്‍ ഏവിയേഷന്‍ കോണ്‍ഫറന്‍സില്‍, എയര്‍ ടാക്‌സികളുടെ ആവശ്യകതയും, പുതിയ അവസരങ്ങളും പ്രധാന ചര്‍ച്ചയായി. പ്രധാനമന്ത്രി നരേന്ദ്രമോഡി, ഇന്ത്യയില്‍ എയര്‍ ടാക്‌സികള്‍ യാഥാര്‍ത്ഥ്യമാകാനുള്ള സമയം അടുത്തതായി സൂചിപ്പിച്ചു. 29 രാജ്യങ്ങളിലുള്ള 300 പ്രതിനിധികളാണ് സമ്മേളനത്തില്‍ പങ്കെടുത്തു.സേവനങ്ങളുടെ ആവശ്യകത വര്‍ധിക്കുന്നതോടെ, എയര്‍ ടാക്‌സി വ്യവസായം വളര്‍ച്ച നേടുമെന്നും പ്രതിനിധികള്‍ ചൂണ്ടിക്കാട്ടി.വിമാന കമ്പനികള്‍ ഇതിനായി തയ്യാറെടുക്കുന്നു. ഇന്ത്യയിലെ എയര്‍ ടാക്‌സി സര്‍വ്വീസ് ആരംഭിക്കാന്‍ ഇന്‍ഡിഗോ എയര്‍ലൈന്‍സിന്റെ മാതൃസ്ഥാപനം ഇന്റര്‍ ഗ്ലോബ് തയ്യാറെടുക്കുന്നു. 2026 ല്‍, അമേരിക്കന്‍ കമ്പനി ആര്‍ച്ചര്‍ ഏവിയേഷനുമായി ചേർന്ന് വൈദ്യുത എയര്‍ ടാക്‌സി സര്‍വ്വീസ് ആരംഭിക്കാനാണ് പദ്ധതി. ഡല്‍ഹിയിൽ നിന്ന് ഗുരുഗ്രാമിലേക്ക് ആകെ 7 മിനുട്ടിൽ എത്താൻ സാധിക്കും.അമേരിക്കന്‍ ഹെലികോപ്റ്റര്‍ ട്രാന്‍സ്‌പോര്‍ട്ടേഷന്‍ കമ്പനി ബ്ലേഡ് ഈ മേഖലയിൽ നിക്ഷേപം നടത്താൻ ഒരുങ്ങുകയാണ്. ഇന്ത്യയിലെ അടുത്ത നഗരങ്ങളെ ബന്ധിപ്പിച്ച് വൈദ്യുത വിമാന സര്‍വ്വീസ് ആരംഭിക്കാൻ സൂം എയറിനും പദ്ധതികളുണ്ട്.
