ബംഗ്ലാദേശ് സർക്കാർ അദാനിയുമായുള്ള വൈദ്യുതി കരാർ പുനപരിശോധിക്കും; 6000 കോടി രൂപയുടെ കുടിശിക ബാക്കി
ബംഗ്ലാദേശ് അദാനി ഗ്രൂപ്പിനോട് വൈദ്യുതി വിതരണത്തിനായുള്ള കുടിശിക ആവശ്യപ്പെട്ടതിനെ തുടര്‍ന്ന്, മുഹമ്മദ് യൂനസിന്റെ നേതൃത്വത്തിലുള്ള ഇടക്കാല സര്‍ക്കാര്‍ അദാനിയുമായുള്ള കരാർ പുനഃപരിശോധിക്കും. കരാറിലെ വ്യവസ്ഥകളും, വൈദ്യുതിക്ക് നല്‍കുന്ന വില ന്യായമാണോ എന്നതും പരിശോധിക്കാനാണ് ബംഗ്ലാദേശ് സര്‍ക്കാര്‍ ലക്ഷ്യമിടുന്നത്. കരാർ ഒപ്പിട്ട രീതിയും, നിബന്ധനകളും പരിശോധിക്കുമെന്ന് ബംഗ്ലാദേശ് അധികൃതർ വ്യക്തമാക്കി.2017 നവംബറിലാണ് അദാനി പവര്‍ (ജാർഖണ്ഡ്) ലിമിറ്റഡ് ബംഗ്ലാദേശ് പവർ ഡെവലപ്‌മെന്റ് ബോര്‍ഡുമായി 25 വര്‍ഷത്തേക്ക് 1,496 മെഗാവാട്ട് വൈദ്യുതി വില്‍പന കരാർ ഒപ്പുവച്ചത്. ഗോദ്ദ പ്ലാന്‍റില്‍ നിന്ന് ഉല്‍പ്പാദിപ്പിക്കുന്ന 100% വൈദ്യുതി ബംഗ്ലാദേശ് വാങ്ങും. 2023-24 കാലഘട്ടത്തില്‍, 7,508 ദശലക്ഷം യൂണിറ്റ് വൈദ്യുതി ഗോദ്ദ പ്ലാന്‍റില്‍ നിന്ന് ബംഗ്ലാദേശിലേക്ക് കയറ്റുമതി ചെയ്തിട്ടുണ്ട്. കരാർ പുനഃപരിശോധനയ്ക്ക് അയവുണ്ടെന്ന് അദാനി ഗ്രൂപ്പ് പ്രതികരിച്ചിട്ടില്ല. ഭീമമായ കുടിശിക ഉണ്ടായിട്ടും, ബംഗ്ലാദേശിന് വൈദ്യുതി വിതരണം തുടരുകയാണ് എന്ന് അവർ വ്യക്തമാക്കി. ഏകദേശം 6,000 കോടി രൂപയുടെ കുടിശിക ബംഗ്ലാദേശിന് അടയ്ക്കാനുണ്ട്.2022-23 ലെ ബംഗ്ലാദേശ് പവര്‍ ഡെവലപ്‌മെന്റ് ബോര്‍ഡിന്റെ റിപ്പോര്‍ട്ട് അനുസരിച്ച്, ഇന്ത്യയിൽ നിന്നുള്ള വൈദ്യുതിയുടെ ശരാശരി ചെലവ് 8.77 ബംഗ്ലാദേശി ടാക്കയാണ്. അദാനി ഗ്രൂപ്പ് 14.02 ബംഗ്ലാദേശി ടാക്ക പ്രതിയൂണിറ്റ് ചാര്‍ജ് ചെയ്യുമ്പോൾ, മറ്റ് കമ്പനികളുടെ നിരക്കുകള്‍ 4.22-9.995 ടാക്കയില്‍ അടങ്ങിയിരുന്നു. Aദാനിയോടുള്ള ഈ ഉയർന്ന നിരക്കിനെതിരെ ബംഗ്ലാദേശിൽ നേരത്തെ തന്നെ പ്രതിഷേധം ഉണ്ടായിരുന്നുവെന്ന് റിപ്പോര്‍ട്ടുകള്‍ വ്യക്തമാക്കുന്നു.
