ഇന്ത്യയിലെ ഏറ്റവും വലിയ മാളുമായി ലുലു ഗ്രൂപ്പ്; കാത്തിരിക്കുന്നത് വന്‍ തൊഴിലവസരങ്ങള്‍

ഇന്ത്യയിലെ ഏറ്റവും വലിയ ഷോപ്പിംഗ് മാളിന്റെ പണിപ്പുരയിലാണ് ഇന്ന് ലുലു ഗ്രൂപ്പ്. അഹമ്മദാബാദിലാണ് ഈ വമ്പന്‍ ലുലുമാള്‍ ഒരുങ്ങുന്നത്. 4,000 കോടി രൂപയാണ് ചെലവ് പ്രതീക്ഷിക്കുന്നത്. ഈ വര്‍ഷം തന്നെ മാളിന്റെ നിര്‍മ്മാണം ആരംഭിക്കും. തന്റെ കമ്പനിയുടെ ഏറ്റവും വലിയ പ്രോജക്ടുകളില്‍ ഒന്നാണിതെന്ന് യൂസഫലി തന്നെ വിശദീകരിക്കുന്നു. ഏകദേശം 3,50,000 ചതുരശ്ര അടി വിസ്തീര്‍ണം വരുന്ന പ്രോജക്ടില്‍ ഏകദേശം 3,000 ത്തോളം യുവതി, യുവാക്കള്‍ പണിയെടുക്കുന്നു.പുതിയ മാളിന്റെ ഭാഗമായി ആയിരകണക്കിന് തൊഴിലവസരങ്ങള്‍ നേരിട്ടും, പരോക്ഷമായും സൃഷ്ടിക്കപ്പെടുമെന്നാണു വിലയിരുത്തല്‍. നിലവില്‍ ലുലു ഗ്രൂപ്പിന് ആറ് ഇന്ത്യന്‍ നഗരങ്ങളില്‍ മാളുകള്‍ ഉണ്ട്. ഇതില്‍ കേരളത്തിന്റെ കൊച്ചി, തിരുവനന്തപുരം മാളുകള്‍ വളരെ പ്രധാന്യം അര്‍ഹിക്കുന്നു. മികച്ച ടൂറിസ്റ്റ് ഡെസ്റ്റിനേഷനുകളായി ഈ മാളുകള്‍ മാറികഴിഞ്ഞു. ബംഗളൂരു, ലഖ്നൗ, കോയമ്പത്തൂര്‍, ഹൈദരാബാദ് എന്നിവിടങ്ങളിലാണ് മറ്റു മാളുകള്‍.കേളരത്തിലെ തൃശൂര്‍ ജില്ലയിലെ നാട്ടിക എന്ന ചെറു ഗ്രാമത്തില്‍ നിന്നുള്ള ആളാണ് യൂസഫലി. 1973 -ല്‍ അബുദാബിയിലേക്ക് തന്റെ അമ്മാവന്റെ ചെറുകിട വിതരണ ബിസിനസില്‍ ചേരാന്‍ പോയതാണ് എല്ലാത്തിനും തുടക്കം. ഇന്നു 250-ലധികം ഹൈപ്പര്‍മാര്‍ക്കറ്റുകളും സൂപ്പര്‍മാര്‍ക്കറ്റുകളും പ്രവര്‍ത്തിപ്പിക്കുന്ന ലുലു ഗ്രൂപ്പ് ഒരു സാമ്രാജ്യമായി തലയുയര്‍ത്തി നില്‍ക്കുന്നു.ജിസിസി, ഈജിപ്ത്, ഇന്ത്യ, ഇന്തോനേഷ്യ, മലേഷ്യ എന്നിവിടങ്ങളിലെ വിവേചനാധികാരമുള്ള ഷോപ്പര്‍മാര്‍ക്കിടയില്‍ വളരെ ജനപ്രിയമാണ് ലുലു. ഓഫറുകള്‍ കൊണ്ട് എന്നും വിസ്മയിപ്പിക്കാനും ലുലുവിനു സാധിക്കുന്നു. യുഎഇയിലെ അബുദാബി അസ്ഥാനമായാണ് ഇന്നു ലുലു ഗ്രൂപ്പിന്റെ പ്രവര്‍ത്തനം. മിഡില്‍ ഈസ്റ്റിലെയും, വടക്കേ ആഫ്രിക്കയിലെയും റീട്ടെയില്‍ വ്യവസായത്തിലെ ഒരു ട്രെന്‍ഡ്‌സെറ്ററായി ലുലു അറിയപ്പെടുന്നു.