വെറും രണ്ട് ദിവസം കൊണ്ട് 28 ലക്ഷം പ്രീ-ഓർഡർ; ആപ്പിളിനെ ഞെട്ടിച്ച് വാവെയ്‌യുടെ ട്രൈ-ഫോൾഡ് ഫോൺ
ബെയ്ജിങ്: ചൈനീസ് സ്മാർട്ട്ഫോൺ ബ്രാൻഡായ ഹുവായുടെ പുതിയ ട്രൈ-ഫോൾഡ് ഫോണിന് (മേറ്റ് എക്‌സ്‌ടി) പ്രീ-ഓർഡറുകൾ കുത്തനെ ഉയരുകയാണ്. വെറും രണ്ട് ദിവസത്തിനുള്ളിൽ 28 ലക്ഷം പ്രീ-ഓർഡറുകളാണ് ഈ ഫോണിന് ലഭിച്ചിരിക്കുന്നതെന്ന് ഹുവായുടെ വെബ്സൈറ്റിൽ ഉള്ള വിവരങ്ങൾ വ്യക്തമാക്കുന്നു. ഇത് ആപ്പിളിന്റെ ഐഫോൺ 16 ലോഞ്ചിൽ നിന്നും ശ്രദ്ധ തിരിക്കുന്ന വാർത്തയായി മാറുകയും ചെയ്തു.അന്തരീക്ഷത്തിൽ വമ്പൻ പ്രതീക്ഷകൾ സൃഷ്ടിച്ചിരിക്കുന്ന ഹുവായുടെ ട്രൈ-ഫോൾഡ് ഫോൺ കഴിഞ്ഞ ശനിയാഴ്ചയാണ് പ്രീ-ഓർഡർ സ്വീകരിക്കാൻ തുടങ്ങിയത്, ഐഫോൺ 16 ലോഞ്ചിന് രണ്ട് ദിവസം മുമ്പ്. ഹുവായുടെ വെബ്സൈറ്റിലെ റിപ്പോർട്ടുകൾ പ്രകാരം 2.8 ദശലക്ഷം പ്രീ-ഓർഡറുകൾ ഇതിനകം ലഭിച്ചിരിക്കുകയാണ്.ഇന്ന്, ഐഫോൺ 16 സീരിസും, ഹുവായുടെ മേറ്റ് എക്‌സ്‌ടിയും ഒരേസമയം വിപണിയിൽ എത്തുന്നു. ലോഞ്ചിനോട് അനുബന്ധിച്ച് ഹുവായുടെ ടീസർ വീഡിയോയും പുറത്തുവിട്ടിട്ടുണ്ട്. ലോകത്തിലെ ആദ്യ ട്രൈ-ഫോൾഡ് ഫോണായി ഇതിനെ ഹുവായ് പരിചയപ്പെടുത്തുന്നു. മൂന്നായി മടക്കാവുന്ന, കൈയിൽ സൂക്ഷിക്കാവുന്ന ഡിസൈനാണ് ഇതിന്റെ പ്രത്യേകത. മുൻ ഫോൾഡബിള്‍ മോഡലുകളെ അപേക്ഷിച്ച് ഇതിന്റെ ഭാരം കുറവായിരിക്കുമെന്നാണ് പ്രതീക്ഷ.ആപ്പിൾ ഇന്ന് ഐഫോൺ 16 സീരീസ് അവതരിപ്പിക്കുകയാണ്, ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്സ് എന്നീ നാല് മോഡലുകളാണ് ഉണ്ടായിരിക്കുന്നതെന്ന് അറിയിക്കുന്നു.
