ഡൺസോയിൽ കൂട്ടപ്പിരിച്ചുവിടൽ

ബെംഗളൂരു: വാട്‌സ്ആപ്പ്, ലോകത്ത് ഏറ്റവും കൂടുതൽ ആളുകൾ ഉപയോഗിക്കുന്ന മെസേജിംഗ് പ്ലാറ്റ്‌ഫോമുകളിലൊന്നാണ്. വാട്‌സ്ആപ്പിന്‍റെ ഒരു മെസേജിംഗ് ആപ്ലിക്കേഷൻ എന്ന പരിമിതിയുടെ അതിർത്തി താണ്ടി വളർന്ന ഒരു ക്ലാസിക് ഉദാഹരണമാണ് ഇപ്പോൾ സാമ്പത്തിക പ്രതിസന്ധിയിൽപ്പെട്ടിരിക്കുന്ന ഇന്ത്യൻ സ്റ്റാർട്ട്അപ്പ്, ഡൺസോ. ഗ്രോസറി ഡെലിവറി ആപ്പായ ഡൺസോ, 75 ശതമാനം ജീവനക്കാരെ പിരിച്ചുവിട്ടതായാണ് ഫിനാൻഷ്യൽ എക്‌സ്‌പ്രസ്സ് റിപ്പോർട്ട്. പലചരക്കുകൾ ഓർഡർ ചെയ്യാനായി ഒരു വാട്‌സ്ആപ്പ് ഗ്രൂപ്പ് രൂപപ്പെടുത്തിയതിലൂടെ ആരംഭിച്ച ഡൺസോ, പിന്നീട് വലിയൊരു സ്റ്റാർട്ട്അപ്പ് ആയി വളർന്നു, 6,200 കോടി രൂപയുടെ മൂല്യം നേടി. പ്രധാന ഇന്ത്യൻ നഗരങ്ങളിലെല്ലാം ഡൺസോയുടെ സേവനം ലഭ്യമായിരുന്നു. എന്നാൽ, സാമ്പത്തിക പ്രതിസന്ധി മൂലം, 150 ജീവനക്കാരെ പിരിച്ചുവിട്ട്, വെറും 50 ജീവനക്കാരെ മാത്രം പ്രധാനം നിലനിർത്തിയുള്ള കമ്പനിയുടെ നടപടി ഇപ്പോൾ വാർത്തകളിൽ ഇടംപിടിച്ചിരിക്കുകയാണ്. വലിയ ശമ്പള കുടിശികയും കമ്പനി നേരിടുന്നുണ്ടെന്ന് ഹിന്ദുസ്ഥാൻ ടൈംസ് റിപ്പോർട്ടിൽ പറയുന്നു.2014-ൽ കബീർ ബിശ്വാസ്, അങ്കുർ അഗർവാൾ, ദൽവീർ സൂരി, മുകുന്ദ് ഝാ എന്നിവരുടെ നേതൃത്വത്തിലാണ് ഡൺസോ ബംഗളൂരുവിൽ സ്ഥാപിതമായത്. ഉപഭോക്താക്കൾക്ക് വാട്‌സ്ആപ്പ് ഗ്രൂപ്പിലൂടെ ഓർഡർ അയക്കാനാവുന്ന സംവിധാനം ആയിരുന്നു ആദ്യം. പിന്നീട്, ഡൺസോ സ്വന്തമായി ആപ്ലിക്കേഷൻ പുറത്തിറക്കി. ബ്ലിങ്കിറ്റ്, സ്വിഗ്ഗി തുടങ്ങിയവ വിപണിയിൽ എത്തിയതിന് മുമ്പുതന്നെ ഡൺസോ ഇന്ത്യൻ നഗരങ്ങളിൽ പ്രശസ്തി നേടി. ബംഗളൂരുവിന് പുറമേ, ഡൽഹി, ഗുരുഗ്രാം, പൂനെ, ചെന്നൈ, ജയ്പുർ, മുംബൈ, ഹൈദരാബാദ് തുടങ്ങിയ സ്ഥലങ്ങളിലും ഡൺസോയുടെ സേവനം ലഭ്യമായിരുന്നു. പഴങ്ങൾ, പച്ചക്കറികൾ, മാംസം, ഭക്ഷണം, മരുന്നുകൾ തുടങ്ങിയവയുടെ ഡെലിവറി സേവനങ്ങളും ബൈക്ക് ടാക്‌സി സേവനവും ഡൺസോ നടത്തിവന്നിരുന്നു.മുകേഷ് അംബാനിയുടെ റിലയൻസ് റീട്ടെയിൽ ഡൺസോയിൽ 1,600 കോടി രൂപ നിക്ഷേപിച്ചപ്പോൾ, ഡൺസോയുടെ മൂല്യം 6,200 കോടി രൂപയിലേക്ക് ഉയർന്നു. ഗൂഗിള്‍ അടക്കമുള്ള മറ്റു നിക്ഷേപകരിൽ നിന്ന് കൂടി ധനസഹായം ലഭിച്ചു. എന്നിരുന്നാലും, 2023 സാമ്പത്തിക വർഷത്തിൽ 1,800 കോടി രൂപയുടെ നഷ്ടം ഡൺസോ നേരിട്ടു. ഇതിന്റെ ഫലമായി, ജീവനക്കാരുടെ ശമ്പളങ്ങൾ പല തവണ മുടങ്ങുകയും ചെയ്തു.