ഐഫോൺ 15 പ്ലസ് ഇനി കുറഞ്ഞ വിലയിൽ സ്വന്തമാക്കാം
ഡൽഹി: ഐഫോൺ 16 സീരീസ് ലോഞ്ചിന് മുൻകൂട്ടി, ഐഫോൺ 15 പ്ലസ് കുറവായ വിലയിൽ വാങ്ങാനുള്ള അവസരം ഫ്ലിപ്കാർട്ട് ഒരുക്കിയിരിക്കുകയാണ്. ആപ്പിളിന്റെ മികച്ച ക്യാമറയുൾപ്പെടെയുള്ള സവിശേഷതകളാൽ പ്രിയപ്പെട്ട മോഡലാണ് ഐഫോൺ 15 പ്ലസ്.ഐഫോൺ 16 സീരീസ് പുറത്തിറങ്ങിയതോടെ മുൻ മോഡലുകളുടെ പ്രാധാന്യം കുറയാമെന്ന കണക്കുകൂട്ടലിൽ, ഐഫോണിന്റെ പഴയ മോഡലുകൾക്ക് വൻ വിലക്കുറവ് അടുത്തിടെ ഓൺലൈൻ വിൽപ്പന പ്ലാറ്റ്ഫോമുകളിൽ കാണാൻ തുടങ്ങിയിരിക്കുന്നു. ഈ സാഹചര്യത്തിൽ, ഫ്ലിപ്കാർട്ട് ഇന്ത്യയിൽ ഐഫോൺ 15 പ്ലസിന്റെ വില കുറച്ചിരിക്കുകയാണ്. ആപ്പിൾ ഇന്ത്യ വെബ്‌സൈറ്റിൽ 89,600 രൂപയുള്ള 128 ജിബി അടിസ്ഥാന വേർഷനെ ഫ്ലിപ്കാർട്ടിൽ 13,601 രൂപ വിലക്കിഴിവോടെ 75,999 രൂപയ്ക്ക് സ്വന്തമാക്കാം. കൂടാതെ എക്സ്ചേഞ്ച് ഓഫറുകൾ കൂടി ഉപയോഗിച്ച് ഐഫോൺ 15 പ്ലസ് കൂടുതൽ കുറഞ്ഞ വിലയിൽ ലഭ്യമാക്കാം.അതുപോലെ, ഐഫോൺ 15 പ്ലസിന്റെ 256 ജിബി, 512 ജിബി വേർഷനുകൾക്കും വിലക്കുറവ് പ്രഖ്യാപിച്ചിട്ടുണ്ട്. യഥാക്രമം 85,999 രൂപ, 1,05,999 രൂപയാണ് ഈ മോഡലുകളുടെ വില. ആപ്പിൾ ഇന്ത്യ വെബ്‌സൈറ്റിൽ ഇവയുടെ യഥാർത്ഥ വില യഥാക്രമം 99,600, 1,19,600 രൂപയാണ്.6.7 ഇഞ്ച് സൂപ്പർ റെറ്റിന എക്‌സ്‌ഡിആർ OLED ഡിസ്പ്ലേയുമായി വരുന്ന ഐഫോൺ 15 പ്ലസ്, എ16 ചിപ്പ്സെറ്റ് ഉപയോഗിച്ച് പ്രവർത്തിക്കുന്നു. iOS 17 ഓപ്പറേറ്റിംഗ് സിസ്റ്റം, USB ടൈപ്പ്-സി ചാർജർ, ഡുവൽ റിയർ ക്യാമറ (48 മെഗാപിക്‌സൽ സെൻസർ, 12 മെഗാപിക്‌സൽ അൾട്രാ-വൈഡ്), 12 മെഗാപിക്‌സൽ ട്രൂഡെപ്‌ത് സെൽഫി ക്യാമറ എന്നിവയാണ് ഇതിന്റെ മറ്റ് പ്രത്യേകതകൾ. 128 ജിബി, 256 ജിബി, 512 ജിബി എന്നീ മൂന്ന് വേർഷനുകളിലും ഐഫോൺ 15 പ്ലസ് ലഭ്യമാണ്.
