പുതിയ ഫാസ്ടാഗ് അവതരിപ്പിച്ച് എസ്ബിഐ
മുംബൈ: സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) അവരുടെ ഫാസ്‌ടാഗിനായി പുതിയ ഡിസൈൻ പുറത്തിറക്കി, ഈ പുതിയ ഫാസ്ടാഗ് അവതരിപ്പിക്കുന്നത് യാത്രാ സമയം കുറയ്ക്കുന്നതിന് ലക്ഷ്യമിട്ടാണ്. ടോൾ പിരിവും വാഹനങ്ങൾ തിരിച്ചറിയലും കൂടുതൽ കാര്യക്ഷമമാക്കുക എന്നാണ് എസ്ബിഐയുടെ ഉദ്ദേശ്യം. എസ്ബിഐ ഫാസ്ടാഗ്, റേഡിയോ ഫ്രീക്വൻസി ഐഡൻ്റിഫിക്കേഷൻ (RFID) സാങ്കേതികവിദ്യ ഉപയോഗിച്ച് ടോൾ പേയ്‌മെന്റുകൾ പ്രീപെയ്ഡ് അക്കൗണ്ടിൽ നിന്നോ സേവിംഗ്‌സ് അക്കൗണ്ടിൽ നിന്നോ നേരിട്ട് നടത്താൻ സഹായിക്കുന്ന ഒരു ഉപകരണമാണ്. നിലവിലെ ഫാസ്ടാഗ് സംവിധാനം പ്രകാരം, ഒരു ചിപ്പ് അടങ്ങിയ സ്റ്റിക്കർ വാഹനത്തിന്റെ വിൻഡ്ഷീൽഡിൽ ഒട്ടിച്ചിരിക്കുന്നു. ടോൾ ഗേറ്റിലൂടെ കടന്നുപോകുമ്പോൾ, സ്കാനർ ഫാസ്ടാഗ് സ്റ്റിക്കർ വായിച്ച് ടോൾ തുക സ്വയമേവ കുറയ്ക്കുന്നു.പുതിയ ഫാസ്ടാഗ് ഡിസൈൻ വെഹിക്കിൾ ക്ലാസ് 4, അതായത് കാറുകൾ, ജീപ്പുകൾ, വാനുകൾ തുടങ്ങിയവയ്ക്കു വേണ്ടിയാണ്, എന്നും ടോൾ പിരിവ് പ്രക്രിയയ്ക്ക് കൂടുതൽ കാര്യക്ഷമതയുണ്ടാക്കി, യാത്രാ സമയം കുറയ്ക്കുക ഇതിലൂടെ സാധ്യമാകുമെന്ന് എസ്ബിഐ വ്യക്തമാക്കി.
