ഇലക്ട്രിക് മൊബിലിറ്റിയെ ശക്തമായി പിന്തുണച്ച് മഹീന്ദ്ര ആന്‍ഡ് മഹീന്ദ്ര
ഇലക്ട്രിക് മൊബിലിറ്റിയെ ശക്തമായി പിന്തുണച്ച് ഇന്ത്യയിലെ പ്രമുഖ ഓട്ടോമൊബൈൽ നിർമ്മാണ കമ്പനിയായമഹീന്ദ്ര ആന്‍ഡ് മഹീന്ദ്ര. ഇലക്ട്രിക് മൊബിലിറ്റിയെ പിന്തുണയ്ക്കുന്നത് രാജ്യത്തിന്റെ മികച്ച താല്‍പ്പര്യമാണെന്ന് മുംബൈ ആസ്ഥാനമായുള്ള ഓട്ടോ മേജര്‍ അഭിപ്രായപ്പെട്ടു. ”രാജ്യത്തിന്റെ ശരിയായ ദിശ ഇവി ഫോക്കസാണ്, അതാണ് സര്‍ക്കാര്‍ പിന്തുണയ്ക്കേണ്ടതെന്ന് ഞങ്ങള്‍ വിശ്വസിക്കുന്നു,” മഹീന്ദ്ര ആന്‍ഡ് മഹീന്ദ്ര (എം ആന്‍ഡ് എം) എക്സിക്യൂട്ടീവ് ഡയറക്ടറും സിഇഒയും ആയ രാജേഷ് ജെജുരിക്കര്‍ പറഞ്ഞു.”ശരിയായ ഉല്‍പ്പന്നത്തിലൂടെ ഇവി റോഡ്മാപ്പ് വളരെ ശക്തമാകുമെന്ന് ഞങ്ങള്‍ വിശ്വസിക്കുന്ന ഒരു ഘട്ടത്തിലാണ് ഞങ്ങള്‍. അത് രാജ്യത്തിന്റെ ഏറ്റവും മികച്ച താല്‍പ്പര്യമാണ്, അതാണ് പ്രഖ്യാപിത ദേശീയ മുന്‍ഗണന, ഞങ്ങള്‍ അതില്‍ വളരെയധികം ശ്രദ്ധ കേന്ദ്രീകരിക്കുന്നു,” ജെജുരിക്കര്‍ കൂട്ടിച്ചേർത്തു.ഉത്തര്‍പ്രദേശ് സർക്കാർ ഹൈബ്രിഡ് വാഹനങ്ങളുടെ രജിസ്ട്രേഷന്‍ ഇളവ് പ്രഖ്യാപിച്ച സംഭവത്തിൽ കമ്പനിയുടെ നിലപാടിനെക്കുറിച്ചുള്ള ചോദ്യത്തിന് മറുപടി പറയുകയായിരുന്നു അദ്ദേഹം. സംസ്ഥാനത്ത് ഹൈബ്രിഡ് കാര്‍ വാങ്ങുന്നതിന് സമ്പൂര്‍ണ റോഡ് ടാക്സ് ഇളവ് യുപി പ്രഖ്യാപിച്ചിരുന്നു. അതിനാൽ മറ്റ് സംസ്ഥാനങ്ങളും ഇത് പിന്തുടരുമെന്ന് ഭയന്ന് ഇലക്ട്രിക് മൊബിലിറ്റിയില്‍ നിക്ഷേപം നടത്തുന്ന വിവിധ വാഹന നിര്‍മ്മാതാക്കള്‍ ഈ നീക്കത്തെ എതിര്‍ത്തു.
