സ്വർണവിലയിൽ വർദ്ധനവ്; രണ്ടാഴ്ചയ്ക്കിടെ വര്ധിച്ചത് ഏഴായിരം രൂപ
കൊച്ചി: സംസ്ഥാനത്ത് ഒരു ലക്ഷം കടന്ന സ്വര്ണവില റെക്കോര്ഡുകള് ഭേദിച്ചുള്ള കുതിപ്പ് തുടരുന്നു. ഇന്ന് പവന് 280 രൂപയാണ് കൂടിയത്.1,01,880 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 35 രൂപയാണ് ഉയർന്നത്. 12,735 രൂപയാണ് ഒരു ഗ്രാം സ്വര്ണത്തിന്റെ വില. സ്വര്ണവില ആദ്യമായി ഒരു ലക്ഷം കടന്നത് ഇന്നലെയാണ്. പണിക്കൂലിയും നികുതിയും കൂടി ചേരുമ്പോള് വില ഇനിയും ഉയരും.
ഇന്നലെ പവന് 1760 രൂപ വര്ധിച്ചതോടെയാണ് സ്വര്ണവില ഒരു ലക്ഷം കടന്നത്. ഈ മാസത്തിന്റെ ആരംഭത്തിൽ 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയ സ്വര്ണവില പിന്നീടുള്ള ദിവസങ്ങളില് വില ഉയരുന്നതാണ് ദൃശ്യമായത്.
