റോക്കറ്റ് പോലെ കുതിച്ച് മുരിങ്ങക്കായ! കിലോയ്ക്ക് 600 രൂപ
കൊച്ചി: സംസ്ഥാനത്ത് മുരിങ്ങക്കായയുടെ വില റോക്കറ്റ് പോലെയാണ് കുതിക്കുന്നത്.ആഴ്ചകള്ക്ക് മുന്പ് കിലോയ്ക്ക് 135-150 രൂപ ഉണ്ടായിരുന്ന വില ഇപ്പോള് 600 രൂപ വരെയെത്തി നിൽക്കുകയാണ്. വലിയ കടകളില് പോലും ഏതാനും കിലോ മുരിങ്ങക്കായ മാത്രമാണ് വില്പ്പനയ്ക്ക് വച്ചിരിക്കുന്നത്. ഇത്ര വലിയ വില നല്കി ആരും വാങ്ങില്ലെന്നതിനാല് സാധനം എടുക്കുന്നില്ലെന്നാണ് വ്യാപാരികള് വ്യക്തമാക്കി.
മണ്ഡലകാലത്ത് ദക്ഷിണേന്ത്യന് സംസ്ഥാനങ്ങളില് മുരിങ്ങക്കായയ്ക്ക് ആവശ്യക്കാര് ഏറെയാണ്. അതിനാല് വില ഉയരുന്നത് പതിവാണ്. കഴിഞ്ഞ വര്ഷം 500 രൂപ വരെ വില ഉയര്ന്നിരുന്നു. ഇത്തവണ കാലാവസ്ഥ പ്രതികൂലമായതോടെ ഉല്പ്പാദനവും കുറഞ്ഞിട്ടുണ്ട്. കേരളത്തിലെ മാര്ക്കറ്റുകളിലേക്ക് പ്രധാനമായി തമിഴ്നാട്ടില് നിന്നാണ് മുരിങ്ങക്കായ എത്തുന്നത്.
