ഡിജിറ്റല് പേയ്മെന്റ് ഇന്റലിജൻസ് പ്ലാറ്റ്ഫോമുമായി റിസർവ് ബാങ്ക്
മുംബൈ: രാജ്യത്ത് ഓണ്ലൈന് സാമ്പത്തിക തട്ടിപ്പുകള് വർധിക്കുന്ന പശ്ചാത്തലത്തില് വമ്പന് നീക്കവുമായി റിസര്വ് ബാങ്ക് ഓഫ് ഇന്ത്യ. ഡിജിറ്റല് പേയ്മെന്റ് ഇടപാടുകള് സുരക്ഷിതമാക്കാന് ഒരു ഓൺലൈൻ പേയ്മെന്റ് ഇന്റലിജൻസ് പ്ലാറ്റ്ഫോം വികസിപ്പിക്കുകയാണെന്ന് ആർബിഐ ഗവർണർ സഞ്ജയ് മൽഹോത്ര പറഞ്ഞു.
സാമ്പത്തിക തട്ടിപ്പുകൾ ഓണ്ലൈന് ട്രാന്സാക്ഷനുകള് പൂര്ത്തിയാകും മുമ്പ് എഐ സഹായത്തോടെ ഈ പ്ലാറ്റ്ഫോം റിപ്പോര്ട്ട് ചെയ്യും. രാജ്യത്തെ ഡിജിറ്റൽ അടിസ്ഥാന സൗകര്യങ്ങൾ ശക്തിപ്പെടുത്തുന്നതിനും ഫിൻടെക് ആവാസവ്യവസ്ഥയുടെ സുരക്ഷയും വിശ്വാസ്യതയും വർധിപ്പിക്കുന്നതിനുമുള്ള ശ്രമത്തിന്റെ ഭാഗമാണ് ഈ പ്ലാറ്റ്ഫോം എന്നും ഗ്ലോബൽ ഫിൻടെക് ഫെസ്റ്റിൽ ആർബിഐ ഗവർണർ സഞ്ജയ് മൽഹോത്ര വ്യക്തമാക്കി.
