സ്വര്ണവില 90,000ലേക്ക്, ഒറ്റയടിക്ക് കൂടിയത് 920 രൂപ!
കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് കുതിക്കുന്ന സ്വര്ണവില 90,000 ത്തിനരികിൽ. ഇന്ന് പവന് ഒറ്റയടിക്ക് 920 രൂപ വര്ധിച്ചതോടെ 89,000 കടന്നിരിക്കുകയാണ് സ്വര്ണവില.89,480 രൂപയാണ് പുതിയ സ്വര്ണവില. ഗ്രാമിന് ആനുപാതികമായി 115 രൂപയാണ് ഉയർന്നിരിക്കുന്നത്. 11,185 രൂപയാണ് ഒരു ഗ്രാം സ്വര്ണത്തിന്റെ വില.സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് ഒഴുകിയെത്തുന്നതാണ് സ്വര്ണവില ഉയരാന് പ്രധാന കാരണം. അമേരിക്കയില് സാമ്പത്തിക രംഗത്ത് നിലനില്ക്കുന്ന അനിശ്ചിതത്വവും യുഎസ് ഫെഡറല് റിസര്വ് വീണ്ടും പലിശനിരക്ക് കുറച്ചേയ്ക്കുമെന്ന പ്രതീക്ഷകളുമാണ് അന്താരാഷ്ട്ര വിപണിയില് സ്വര്ണവിലയെ സ്വാധീനിക്കുന്നത്. അന്താരാഷ്ട്ര വിപണിയില് സ്വര്ണവിലയില് ഉണ്ടാകുന്ന ചലനങ്ങള് ഇന്ത്യന് വിപണിയിലും പ്രതിഫലിക്കുന്നതാണ് വില വര്ധനയ്ക്ക് കാരണമെന്ന് വിപണി വിദഗ്ധര് അഭിപ്രായപ്പെട്ടു.
