ഒറ്റയടിക്ക് വര്ധിച്ചത് ആയിരം രൂപ! പവന് 88,500ന് മുകളിൽ
കൊച്ചി: സംസ്ഥാനത്ത് സ്വര്ണവില റെക്കോര്ഡുകള് ഭേദിച്ച് കുതിപ്പ് തുടരുകയാണ്. ഇന്ന് പവന് ആയിരം രൂപയാണ് കൂടിയത്.88,560 രൂപയായി ഉയര്ന്ന് സ്വര്ണവില പുതിയ ഉയരം തൊട്ടിരിക്കുകയാണ്. ഗ്രാമിന് 125 രൂപയാണ് വര്ധിച്ചത്. 11,070 രൂപയാണ് ഒരു ഗ്രാം സ്വര്ണത്തിന്റെ വില.
സെപ്റ്റംബര് 9 നാണ് സ്വര്ണവില ആദ്യമായി എണ്പതിനായിരം കടന്നത്. തുടര്ന്നുള്ള ദിവസങ്ങളില് ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്.
അന്താരാഷ്ട്ര വിപണിയിലെ ചലനങ്ങളാണ് സംസ്ഥാനത്ത് സ്വര്ണവിലയില് പ്രതിഫലിക്കുന്നത്. കൂടാതെ സുരക്ഷിത നിക്ഷേപം എന്ന നിലയില് കൂടുതല് ആളുകള് സ്വര്ണത്തിലേക്ക് തിരിയുന്നതും വില വർദ്ധിക്കാൻ കാരണമാകുന്നുണ്ട്.
