സ്വർണവില ആദ്യമായി 85,000ന് മുകളില്, ഒറ്റയടിക്ക് വര്ധിച്ചത് 680 രൂപ
കൊച്ചി: സംസ്ഥാനത്ത് സ്വര്ണവില ചരിത്രത്തിലെ ഏറ്റവും ഉയര്ന്ന നിലയില്. ഇത് ആദ്യമായാണ് സ്വര്ണവില 85,000 കടന്നിരിക്കുന്നത്. പവന് 680 രൂപ വര്ധിച്ചതോടെയാണ് സ്വര്ണവില ആദ്യമായി 85000ന് മുകളില് എത്തിയത്.
85,360 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 85 രൂപയാണ് ഉയർന്നിരിക്കുന്നത്. 10,670 രൂപയാണ് ഒരു ഗ്രാം സ്വര്ണത്തിന്റെ വില.77,640 രൂപയായിരുന്നു ഈ മാസം ആദ്യം സംസ്ഥാനത്തെ സ്വര്ണവില. സെപ്റ്റംബര് 9 നാണ് വില എണ്പതിനായിരം പിന്നിട്ടത്. തുടര്ന്നുള്ള ദിവസങ്ങളില് ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്. 23ന് രേഖപ്പെടുത്തിയ 84,840 രൂപ എന്ന റെക്കോര്ഡ് ആണ് ഇന്ന് തിരുത്തിയത്.
സ്വര്ണവിലയില് പ്രതിഫലിക്കുന്നത് അന്താരാഷ്ട്ര വിപണിയിലെ ചലനങ്ങളാണ് സംസ്ഥാനത്ത്. കൂടാതെ സുരക്ഷിത നിക്ഷേപം എന്ന നിലയില് കൂടുതല് ആളുകള് സ്വര്ണത്തിലേക്ക് തിരിയുന്നതും വില ഉയരാന് കാരണമാകുന്നുണ്ട്.
