ജിഎസ്ടി പരിഷ്കരണം: വെസ്പ, അപ്രീലിയ സ്കൂട്ടറുകളുടെ വിലകുറഞ്ഞു
പുതിയ ജിഎസ്ടി നിരക്കുകള് കാരണം വെസ്പ, അപ്രീലിയ സ്കൂട്ടറുകളുടെ എക്സ്-ഷോറൂം വിലകള് കമ്പനി പരിഷ്കരിച്ചു . പുതുക്കിയ നികുതി ഘടനയുടെ മുഴുവന് ആനുകൂല്യവും കമ്പനി ഉപഭോക്താക്കള്ക്ക് കൈമാറി. ഇത് രാജ്യത്തുടനീളമുള്ള പ്രീമിയം സ്കൂട്ടര് ശ്രേണിയെ കൂടുതല് താങ്ങാനാവുന്നതാക്കി മാറ്റി. വെസ്പ ശ്രേണിയിലെ എല്ലാ വകഭേദങ്ങളിലും കമ്പനി കാര്യമായ വിലക്കുറവ് വരുത്തിയിട്ടുണ്ട്.
എന്ട്രി ലെവല് വെസ്പ ZX ന്റെ വില ഇപ്പോള് 1,20,488 രൂപയില് നിന്ന് 1,10,230 രൂപ ആയി കുറഞ്ഞു. വെസ്പ 125ന് ഇപ്പോള് 1,22,427 രൂപയില് വില ആരംഭിക്കുന്നു. ഡ്യുവല്-ടോണ്, എസ് ട്രിമ്മുകള്ക്കും വന് വിലക്കുറവ് ലഭിച്ചു. വെസ്പ S 125 ഡ്യുവല് കളറിന്റെ വില ഇപ്പോള് 1,28,481 രൂപ ആണ്.വലിയ 149 സിസി മോഡലുകളില് വെസ്പ 149 ന് ഇപ്പോള് 136,273 രൂപയും വെസ്പ എസ് 149 ഡ്യുവല് ടോണിന് 140,848 രൂപയും വിലയുണ്ട്. പ്രീമിയം വെസ്പ ടെക് വേരിയന്റുകള്ക്കും വിലക്കുറവ് ലഭിച്ചു.
വെസ്പ ടെക് 125 ന് ഇപ്പോള് 177,679 രൂപയും വെസ്പ എസ് ടെക് 149 ന് ഇപ്പോള് 194,155 രൂപയും ആണ് വില, ജിഎസ്ടിക്ക് മുമ്പുള്ള വിലയേക്കാള് വളരെ കുറവാണ് ഇത്. അപ്രീലിയ സ്കൂട്ടര് ശ്രേണിക്കും ഇതിന്റെ ഗുണം ലഭിച്ചു. അപ്രീലിയ സ്റ്റോമിന്റെ വില ഇപ്പോള് 110,865 രൂപ മുതല് ആരംഭിക്കുന്നു. അതേസമയം SR 125 ന്റെ വില 110,180 രൂപ ആണ്. ഫ്ലാഗ്ഷിപ്പ് ടഞ 175 ഇപ്പോള് 117,521 ന് ലഭ്യമാണ്. ഇത് 127,999 രൂപയില് നിന്ന് 127,521 രൂപ ആയി കുറഞ്ഞു.
