സ്വര്ണവില ഉയർന്നു; 81,600ന് മുകളില്
കൊച്ചി: സംസ്ഥാനത്ത് രണ്ടുദിവസത്തിനിടെ 560 രൂപ കുറഞ്ഞ സ്വര്ണവില നേരിയ വര്ധനയോടെ വീണ്ടും തിരിച്ചുകയറി. ഇന്ന് പവന് 120 രൂപയാണ് വര്ധിച്ചത്.81,640 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 15 രൂപ ഉയര്ന്നു. 10,205 രൂപയാണ് ഒരു ഗ്രാം സ്വര്ണത്തിന്റെ വില.
റെക്കോര്ഡുകള് ഭേദിച്ച് 82000 കടന്ന് കുതിച്ച സ്വര്ണവിലയില് ഇന്നലെയും ബുധനാഴ്ചയുമാണ് വില കുറഞ്ഞത്. ചൊവ്വാഴ്ച രേഖപ്പെടുത്തിയ 82,080 രൂപയാണ് ചരിത്രത്തിലെ ഏറ്റവും ഉയര്ന്ന വില.
77,640 രൂപയായിരുന്നു ഈ മാസാദ്യം സ്വര്ണത്തിന്റെ വില. ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. പിന്നീട് ഓരോ ദിവസവും വില കൂടുന്നതാണ് ദൃശ്യമായത്. രാജ്യാന്തര വിപണിയിലെ സ്വര്ണ വിലയുടെ വര്ധനയാണ് വിലയില് പ്രതിഫലിച്ചത്.
