സ്വർണവില ഒറ്റയടിക്ക് 400 രൂപ കുറഞ്ഞു; പവന് 81,520 രൂപ
കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് 82000 കടന്ന് കുതിച്ച സ്വര്ണവില ഇന്ന് താഴ്ന്നു. 400 രൂപയാണ് പവന് ഇന്ന് ഒറ്റയടിക്ക് കുറഞ്ഞത്.ഇന്നത്തെ സ്വര്ണവില 81,520 രൂപയാണ്. ഗ്രാമിന് 50 രൂപയാണ് കുറഞ്ഞത്. 10,190 രൂപയാണ് ഒരു ഗ്രാം സ്വര്ണത്തിന്റെ വില.
ഇന്നലെ പവന് 160 രൂപയാണ് കുറഞ്ഞത്.ചൊവ്വാഴ്ച 82,080 രൂപയായി ഉയര്ന്നാണ് ചരിത്രത്തിലെ ഏറ്റവും ഉയര്ന്ന വില രേഖപ്പെടുത്തിയത്. ഈ മാസാദ്യം 77,640 രൂപയായിരുന്നു സ്വര്ണവില. ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. പിന്നീട് ഓരോ ദിവസവും വില വർദ്ധിക്കുന്നതാണ് ദൃശ്യമായത്. രാജ്യാന്തര വിപണിയിലെ സ്വര്ണ വിലയുടെ വര്ധനയാണ് വിലയില് പ്രതിഫലിച്ചത്.
ഇന്ത്യയില് നിന്ന് ഇറക്കുമതി ചെയ്യുന്ന ഉല്പ്പന്നങ്ങള്ക്ക് അമേരിക്ക 50 ശതമാനം തീരുവ ചുമത്തിയത് അടക്കമുള്ള ഘടകങ്ങളും സ്വര്ണവിലയെ സ്വാധീനിക്കുന്നുണ്ട്.
