യുടിഐ ലാര്ജ് ക്യാപ് ഫണ്ടിന്റെ മൊത്തം ആസ്തികള് 12,948 കോടി രൂപ കടന്നു
കൊച്ചി: യുടിഐ ലാര്ജ് ക്യാപ് ഫണ്ട് കൈകാര്യം ചെയ്യുന്ന മൊത്തം ആസ്തികള് 12,948 കോടി രൂപ കടന്നതായി 2025 ആഗസ്റ്റ് 31-ലെ കണക്കുകള് സൂചിപ്പിക്കുന്നു. ഫണ്ട് ആരംഭിച്ചപ്പോള് നിക്ഷേപിച്ച 10 ലക്ഷം രൂപ 2025 ആഗസ്റ്റ് 31-ന് 25.87 കോടി രൂപയായി വളര്ന്നു. 1986 ഒക്ടോബറില് ആരംഭിച്ച യുടിഐ ലാര്ജ് ക്യാപ് ഫണ്ട് ഇന്ത്യയിലെ ആദ്യ ഇക്വിറ്റി-ഓറിയന്റഡ് ഫണ്ടാണ്.
കൂടാതെ നിക്ഷേപകര്ക്ക് 38 വര്ഷത്തിലേറെയായി സമ്പത്ത് സൃഷ്ടിക്കുന്ന ചരിത്രം ഇതിന് ഉണ്ട്. വലിയ കമ്പനികളില് പ്രധാനമായും നിക്ഷേപം ലക്ഷ്യമിട്ടുള്ള ഒരു ഓപ്പണ്-എന്ഡഡ് ഇക്വിറ്റി സ്കീമാണ് യുടിഐ ലാര്ജ് ക്യാപ് ഫണ്ട്. സ്വന്തം മേഖലകളില് മത്സരാധിഷ്ഠിത മുന്ഗണനകളുള്ള കമ്പനികളിലാണ് ഈ ഫണ്ട് പ്രധാനമായും നിക്ഷേപം നടത്തുന്നത്. ഓഹരികള് തിരഞ്ഞെടുക്കുന്നതിന് ‘വിലയില് ന്യായമായ വളര്ച്ച’ എന്ന നിക്ഷേപ ശൈലിയാണ് ഇത് പിന്തുടരുന്നത്.
സ്ഥിരമായ വരുമാന വളര്ച്ച, ലാഭക്ഷമത, മൂലധനച്ചെലവിനെക്കാള് ഉയര്ന്ന വരുമാനം, സ്ഥിരമായ പ്രവര്ത്തന പണത്തിന്റെ ഒഴുക്ക് എന്നിവയുള്ള അടിസ്ഥാനപരമായി ശക്തവും നിയന്ത്രിതവുമായ കടബാധ്യതകളുള്ള കമ്പനികളില് നിക്ഷേപിക്കാന് ഫണ്ട് ലക്ഷ്യമിടുന്നു. അത്തരം കമ്പനികള്ക്ക് ഭാവി വികസനത്തിനായി അധിക ഫ്രീ ക്യാഷ് ഫ്ളോ സൃഷ്ടിക്കാനും നിലവിലുള്ള ഓഹരികളുടെ മൂല്യം കുറയാതെ മുന്നോട്ട് പോകുകയും ചെയ്യാന് കഴിയും.
എച്ച്ഡിഎഫ്സി ബാങ്ക് ലിമിറ്റഡ്, ഐസിഐസിഐ ബാങ്ക് ലിമിറ്റഡ്, ഇന്ഫോസിസ് ലിമിറ്റഡ്, ഭാരതി എയര്ടെല് ലിമിറ്റഡ്, അവന്യൂ സൂപ്പര്മാര്ട്ട്സ് ലിമിറ്റഡ്, ബജാജ് ഫിനാന്സ് ലിമിറ്റഡ്, കൊട്ടക് മഹീന്ദ്ര ബാങ്ക് ലിമിറ്റഡ്, ലാര്സെന് ആന്ഡ് ടൂബ്രോ ലിമിറ്റഡ്, റിലയന്സ് ഇന്ഡസ്ട്രീസ് ലിമിറ്റഡ്, ആക്സിസ് ബാങ്ക് ലിമിറ്റഡ് തുടങ്ങിയ മുന്നിര കമ്പനികള് യുടിഐ ലാര്ജ് ക്യാപ് ഫണ്ടിന്റെ പോര്ട്ട്ഫോളിയോയില് ഉള്പ്പെടുന്നു. ഈ പത്ത് സ്റ്റോക്കുകള് പോര്ട്ട്ഫോളിയോയുടെ ഏകദേശം 48 ശതമാനം വരും.
2025 ഓഗസ്റ്റ് 31-ലെ കണക്കനുസരിച്ച് ഫണ്ട് നിലവില് കണ്സ്യൂമര് സര്വീസസ്, ഇന്ഫര്മേഷന് ടെക്നോളജി, കണ്സ്യൂമര് ഡ്യൂറബിള്സ്, കണ്സ്ട്രക്ഷന്, ടെലികമ്മ്യൂണിക്കേഷന് എന്നീ മേഖലകളില് കൂടുതല് വിഹിതം നല്കിയിരിക്കുന്നത്. ഓയില്, ഗ്യാസ് & കണ്സ്യൂമബിള് ഫ്യൂവല്സ്, കണ്സ്ട്രക്ഷന് മെറ്റീരിയല്സ്, പവര്, എഫ്എംസിജി, ഓട്ടോമൊബൈല് എന്നിവയില് കുറഞ്ഞ വിഹിതം നല്കിയിരിക്കുന്നത്.
ദീര്ഘകാലയളവില് മൂലധന വളര്ച്ച നേടാനും അല്ലെങ്കില് വരുമാനം വിതരണം ചെയ്യാനും ഫണ്ട് ലക്ഷ്യമിടുന്നു. നിക്ഷേപത്തിനായി ഒരു അച്ചടക്കമുള്ള സമീപനം പിന്തുടരുന്ന ഈ ഫണ്ട് ആരംഭിച്ചതുമുതല് എല്ലാ വര്ഷവും വാര്ഷിക ലാഭവിഹിതം നല്കി വരുന്നു. യുടിഐ ലാര്ജ് ക്യാപ് ഫണ്ട് മൊത്തം 4,500 കോടി രൂപയുടെ ലാഭവിഹിതം വിതരണം ചെയ്തിട്ടുണ്ട്.
