സ്വര്ണവില വീണ്ടും റെക്കോര്ഡിലേക്ക്
കൊച്ചി: സംസ്ഥാനത്ത് സ്വർണവിലയിൽ വീണ്ടും റെക്കോര്ഡുകള് ഭേദിച്ചുള്ള കുതിപ്പ് തുടരുന്നു. ഇന്ന് 560 രൂപ വര്ധിച്ച് സ്വര്ണവില പുതിയ ഉയരം കുറിച്ചു.ഒരു പവന് സ്വര്ണത്തിന്റെ ഇന്നത്തെ വില 81,600 രൂപയാണ്. ഗ്രാമിന് ആനുപാതികമായി 70 രൂപയാണ് വര്ധിച്ചത്. 10,200 രൂപയാണ് ഒരു ഗ്രാം സ്വര്ണത്തിന്റെ വില.
ഈ മാസാദ്യം 77,640 രൂപയായിരുന്നു സ്വര്ണവില. ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. പിന്നീട് ഓരോ ദിവസവും വില കൂടുന്നതാണ് ദൃശ്യമായത്. എന്നാല് ഇന്നലെ വിലയില് മാറ്റം ഉണ്ടായിരുന്നില്ല.എന്നാല് ഇന്ന് വീണ്ടും വില വര്ധിക്കുന്നതാണ് കണ്ടത്. രാജ്യാന്തര വിപണിയിലെ സ്വര്ണ വിലയുടെ വര്ധനവാണ് വില ഉയരാൻ കാരണമായത്.
