എൻസിഡിയിലൂടെ 290 കോടി രൂപ സമാഹരിക്കാൻ ലക്ഷ്യമിട്ട് മുത്തൂറ്റ് ഫിന്‍കോര്‍പ്
കൊച്ചി: മുത്തൂറ്റ് ഫിന്‍കോര്‍പ് സെക്യൂര്‍ഡ് ആന്‍ഡ് റിഡീമബിള്‍ നോണ്‍ – കണ്‍വര്‍ട്ടിബിള്‍ ഡിബഞ്ചറുകള്‍ (എന്‍സിഡി) അവതരിപ്പിച്ചു.ഈ മാസം 17 വരെ പൊതുജനങ്ങള്‍ക്ക് 1000 രൂപ വീതം മുഖവിലയുള്ള എന്‍സിഡികള്‍ ലഭ്യമാകും. 100 കോടി രൂപയാണ് അടിസ്ഥാന മൂല്യം. അധികമായി സമാഹരിക്കുന്ന 190 കോടി രൂപവരെ കൈവശം വയ്ക്കാനാവുന്ന ഓപ്ഷന്‍ പ്രകാരം ആകെ 290 കോടി രൂപയുടേതായിരിക്കും എന്‍സിഡി വിതരണം.
ഓരോ വിഭാഗങ്ങളിലായി നിക്ഷേപകര്‍ക്കു ലഭിക്കുക പ്രതിവര്‍ഷം 9.20 മുതല്‍ 9.80 ശതമാനം വരെ ഫലപ്രദമായ വരുമാനമാണ്. എൻസിഡിയിലൂടെ 290 കോടി രൂപ സമാഹരിക്കാനാണു ലക്ഷ്യമിടുന്നതെന്ന് മുത്തൂറ്റ് ഫിന്‍കോര്‍പ് അധികൃതർ വ്യക്തമാക്കി.
