ദുബായിയെയും മുബൈയെയും ബന്ധിപ്പിക്കാൻ 2000 കിലോമീറ്റർ റെയിൽ ശൃംഖല ?
മുംബൈയെയും ബന്ധിപ്പിക്കാൻ ഭാവിയിലെ കണക്റ്റിവിറ്റിക്കും അടിസ്ഥാന സൗകര്യ വികസനത്തിനും ഒരു പ്രധാന പ്രോത്സാഹനമായി, ദുബായ്ക്കും മുംബൈയ്ക്കും ഇടയില്‍ ഒരു അണ്ടർ-സീ ട്രെയിൻ വരും വർഷങ്ങളില്‍ ആരംഭിക്കുമെന്ന് റിപ്പോർട്ടുകൾ സൂചിപ്പിക്കുന്നു.
പദ്ധതിയുടെ പ്രവർത്തനം നാഷണല്‍ അഡ്വൈസർ ബ്യൂറോ ലിമിറ്റഡിന്റെ മാനേജിംഗ് ഡയറക്ടറും ചീഫ് കണ്‍സള്‍ട്ടന്റുമായ അബ്ദുല്ല അല്‍ഷെഹി വെളിപ്പെടുത്തിയെന്ന് ഖലീജ് ടൈംസ് റിപ്പോർട്ട് ചെയ്യുന്നു.ദുബായ്-മുംബൈ അണ്ടർവാട്ടർ റെയില്‍ ശൃംഖല യുഎഇയ്ക്കും ഇന്ത്യയ്ക്കും മാത്രമല്ല മറ്റ് രാജ്യങ്ങള്‍ക്കും ഗുണം ചെയ്യുമെന്ന് അല്‍ഷെഹി വ്യക്തമാക്കി. ഇതൊരു ആശയമാണ്.
ഇന്ത്യൻ നഗരമായ മുംബൈയെ ഫുജൈറയുമായി അണ്ടർവാട്ടർ അള്‍ട്രാ-ഹൈ സ്പീഡ് റെയില്‍ ശൃംഖലയിലൂടെ ബന്ധിപ്പിക്കാൻ ഞങ്ങള്‍ ആഗ്രഹിക്കുന്നു. ഇത് ഉഭയകക്ഷി വ്യാപാരത്തെയും ഉയർത്തും.ഇതിലൂടെ ഇന്ത്യയിലേക്ക് എണ്ണ കയറ്റുമതി ചെയ്യുകയും അധിക വെള്ളം നർമ്മദയില്‍ നിന്ന് ഇറക്കുമതി ചെയ്യുകയും ചെയ്യും. ഈ പദ്ധതി പല കോണുകളില്‍ നിന്ന് പരിഗണിക്കേണ്ടതുണ്ട്.
പദ്ധതിക്കായി ഞങ്ങള്‍ ഒരു സാധ്യതാ പഠനം നടത്തും. ഈ ആശയം നടപ്പിലായാൽ, റെയില്‍ ശൃംഖല ഏകദേശം 2000 കിലോമീറ്റർ ദൈർഘ്യമുള്ളതായിരിക്കുമെന്നും അദ്ദേഹം വ്യക്തമാക്കി.
