ചെന്നൈയില്‍ ചായക്ക് വില കൂട്ടി
ചെന്നൈയില്‍ ചായക്ക് വില കൂട്ടി. 12 രൂപയില്‍ നിന്ന് ചായയുടെ വില 15 രൂപയാക്കിയതായി ടീ ഷോപ്പ് ട്രെയ്ഡേഴ്സ് അസോസിയേഷൻ അറിയിച്ചു.ബൂസ്റ്റ്‌ ടീ, ഹോർലിക്‌സ് ടീ, ലെമണ്‍ ടീ എന്നിവയുടെ വിലയും കൂടും. കോഫിക്ക് ഇനി മുതല്‍ 20 രൂപ.പാലിന്റെയും പഞ്ചസാരയുടെയും വില ഉയർന്നതാണ് ചായ വില കൂട്ടാൻ കാരണമെന്ന് ടീ ഷോപ്പ് ട്രെയിടേഴ്സ് അസോസിയേഷൻ വ്യക്തമാക്കി.
ഇന്ന് മുതല്‍ ചെന്നൈയിലെ ഈ വില വർധന ഉടൻ പ്രാബല്യത്തില്‍ വരുമെന്ന് റിപ്പോർട്ട്. ചെന്നൈയിലെ ചായക്കടകളില്‍ പോസ്റ്റ് ചെയ്ത പുതിയ വില പട്ടിക പ്രസിദ്ധീകരിച്ചു.3 വർഷത്തിന് ശേഷമാണ് ചെന്നൈയില്‍ ചായയുടെയും കോഫിയുടെയും വില കൂട്ടുന്നത്. ബൂസ്റ്റും ഹോർലിക്‌സും എന്നിവയ്ക്ക് 25 രൂപ നല്‍‍കേണ്ടി വരും.
