അദാനി ഗ്രൂപ്പുമായി പുതിയ പദ്ധതികള്; കേരളത്തിന് വിമുഖതയില്ലെന്ന് വ്യവസായ മന്ത്രി
അദാനി ഗ്രൂപ്പുമായി പുതിയ പദ്ധതികള് സംസാരിക്കുന്നതിൽ കേരളം അലംഭാവം കാണിക്കില്ലെന്നും ജനങ്ങള്ക്ക് ഗുണം ചെയ്യുന്ന ഒരു ‘വിന്-വിന്’ സാഹചര്യമുണ്ടെങ്കില് മുന്നോട്ട് പോകുമെന്നും വ്യവസായ മന്ത്രി പി രാജീവ്. എന്നാൽ പരിസ്ഥിതിനാശത്തിനും മലിനീകരണത്തിനും കാരണമാകുന്ന വൻകിട വ്യവസായങ്ങള് ഉണ്ടാകാന് താല്പര്യമില്ലെന്നും പി രാജീവ് പറഞ്ഞു. അദാനി ഗ്രൂപ്പുമായി ചർച്ച നടത്തുന്നതിൽ ദക്ഷിണേന്ത്യന് സംസ്ഥാനങ്ങള്ക്കിടയില് അഭിപ്രായ ഭിന്നതയുണ്ട്. വിഴിഞ്ഞം തുറമുഖത്ത് അദാനി ഗ്രൂപ്പില് നിന്ന് കേരളത്തിന് വന് നിക്ഷേപമുണ്ടെന്നും പദ്ധതിയുമായി മുന്നോട്ട് പോകാന് സര്ക്കാര് തീരുമാനിച്ചത് സംസ്ഥാനത്തിനും ജനങ്ങള്ക്കും നേട്ടമുണ്ടാക്കിയതുകൊണ്ടാണെന്നും രാജീവ് പറഞ്ഞു. പ്രത്യേക ആനുകൂല്യങ്ങള് നല്കുന്നതിനോട് സര്ക്കാര് എതിരാണെന്നും അദ്ദേഹം വ്യക്തമാക്കി. പുതിയ പദ്ധതികള്ക്കായി സംസ്ഥാനം അദാനി ഗ്രൂപ്പുമായി ഇടപഴകുന്നത് തുടരുമോ എന്ന് ചോദിച്ചപ്പോള്, അവരുമായി ചര്ച്ച ചെയ്യാന് സര്ക്കാര് തയ്യാറാണെന്ന് രാജീവ് പറഞ്ഞു. സംസ്ഥാനത്ത് വന്കിട വ്യവസായങ്ങള് സ്ഥാപിക്കുന്നതിന് സംസ്ഥാനം എതിരല്ലെന്നും എന്നാല് പാരിസ്ഥിതിക ആശങ്കകള് കേരളത്തിന് പ്രധാനമാണെന്നും മലിനീകരണമുണ്ടാക്കുന്ന വ്യവസായങ്ങള് വരാന് സര്ക്കാര് അനുവദിക്കില്ലെന്നും രാജീവ് പറഞ്ഞു.
