കുടുംബശ്രീ ബ്ലോക്ക് കോർഡിനേറ്റർമാരുടെ വേതനം 5000 രൂപ വർധിപ്പിച്ചു
കുടുംബശ്രീ ബ്ലോക്ക് കോർഡിനേറ്റർമാരുടെ വേതനം 5,000 രൂപ വർധിപ്പിച്ചതായി തദ്ദേശസ്വയംഭരണ വകുപ്പ് മന്ത്രി എം.ബി. രാജേഷ് അറിയിച്ചു. 15,000 രൂപയായിരുന്ന നിലവിലെ വേതനം 20,000 രൂപയാക്കി ഉയർത്തിയതാണ്. കുടുംബശ്രീയുടെ സംഘടന, മൈക്രോ ഫിനാൻസ്, മാനേജ്മെൻറ് ഇൻഫർമേഷൻ സിസ്റ്റം എന്നിവ കൈകാര്യം ചെയ്യുന്ന 152 വനിതാ ബ്ലോക്ക് കോർഡിനേറ്റർമാർക്കാണ് ഇതിന്റെ നേട്ടം.
ഇത് ഇടതുപക്ഷ ജനാധിപത്യ മുന്നണി സർക്കാരിന്റെ കുടുംബശ്രീ പ്രവർത്തകർക്ക് നൽകിയ പുതുവത്സര സമ്മാനമാണെന്നും മന്ത്രി വ്യക്തമാക്കി. കഴിഞ്ഞ മാസം ചെയർപേഴ്സൺ ഒഴികെയുള്ള സിഡിഎസ് അംഗങ്ങൾക്ക് 500 രൂപ യാത്രാബത്ത അനുവദിക്കാൻ സർക്കാർ തീരുമാനിച്ചിരുന്നുവെന്നും കുടുംബശ്രീ പ്രവർത്തകരുടെ ശാക്തീകരണത്തിനായി കൂടുതൽ നടപടികൾ കൈക്കൊള്ളുന്നതായി അദ്ദേഹം കൂട്ടിച്ചേർത്തു.
