സ്വര്ണവില 90,000 അരികിൽ; രണ്ടുദിവസത്തിനിടെ വര്ധിച്ചത് 2080 രൂപ!
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് വീണ്ടും തുടരുകയാണ്. ഇന്ന് പവന് 1040 രൂപ വര്ധിച്ച് സ്വര്ണവില പുതിയ ഉയരം കുറിച്ചു.86,000 കടന്ന് 87,000ലേക്ക് അടുക്കുകയാണ് സ്വര്ണവില. 86,760 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 130 രൂപയാണ് കൂടിയിരിക്കുന്നത്. 10,845 രൂപയാണ് ഒരു ഗ്രാം സ്വര്ണത്തിന്റെ വില.
സ്വര്ണവില ആദ്യമായി 85000 കടന്നത് ഇന്നലെ രാവിലെയാണ്. പവന് 680 രൂപ കൂടിയതോടെയാണ് സ്വര്ണവില 85,000 കടന്നത്. എന്നാല് ഉച്ചയോടെ വീണ്ടും 360 രൂപ വര്ധിച്ചു. ഇന്നലെ രണ്ടു തവണയായി 1040 രൂപയാണ് വര്ധിച്ചത്. ഈ കുതിപ്പ് ഇന്നും തുടരുകയായിരുന്നു.
രണ്ടുദിവസത്തിനിടെ 2080 രൂപയുടെ വര്ധനയാണ് സ്വര്ണവിലയില് ഉണ്ടായത്.ഈ മാസം ആദ്യം 77,640 രൂപയായിരുന്നു സംസ്ഥാനത്തെ സ്വര്ണവില. സെപ്റ്റംബര് 9 നാണ് വില എണ്പതിനായിരം പിന്നിട്ടത്. തുടര്ന്നുള്ള ദിവസങ്ങളില് ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്. അന്താരാഷ്ട്ര വിപണിയിലെ ചലനങ്ങളാണ് സംസ്ഥാനത്ത് സ്വര്ണവിലയില് പ്രതിഫലിക്കുന്നത്. കൂടാതെ സുരക്ഷിത നിക്ഷേപം എന്ന നിലയില് കൂടുതല് ആളുകള് സ്വര്ണത്തിലേക്ക് തിരിയുന്നതും വില കൂടാൻ കാരണമാകുന്നുണ്ട്.
ഈ മാസം ആദ്യം 77,640 രൂപയായിരുന്നു സംസ്ഥാനത്തെ സ്വര്ണവില. സെപ്റ്റംബര് 9 നാണ് വില എണ്പതിനായിരം പിന്നിട്ടത്. തുടര്ന്നുള്ള ദിവസങ്ങളില് ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്. അന്താരാഷ്ട്ര വിപണിയിലെ ചലനങ്ങളാണ് സംസ്ഥാനത്ത് സ്വര്ണവിലയില് പ്രതിഫലിക്കുന്നത്.
