2024-25 റാബി സീസണിൽ റെക്കോർഡ് ഭക്ഷ്യധാന്യ ഉൽപ്പാദന ലക്ഷ്യവുമായി കേന്ദ്രസർക്കാർ

വളങ്ങളുടെ ലഭ്യതയിൽ കാലതാമസം ഉണ്ടായെങ്കിലും 2024-25 റാബി സീസണിൽ റെക്കോർഡ് അളവിലുള്ള ഭക്ഷ്യധാന്യ ഉൽപ്പാദനം സാധ്യമാകുമെന്ന് കേന്ദ്രസർക്കാർ. മണ്ണിലെ പൂർണ്ണമായ ഈർപ്പും ജലസംഭരണികളിലെ മതിയായ ജലനിരപ്പും ഈ നേട്ടത്തിന് സഹായകമായ ഘടകങ്ങളാണ്. ചെങ്കടൽ പ്രതിസന്ധിയാൽ ഇറക്കുമതിയിൽ വൈകിയെങ്കിലും, യൂറിയയും ഡയമോണിയം ഫോസ്‌ഫേറ്റും (ഡിഎപി) ഉൾപ്പെടെയുള്ള പ്രധാന വളങ്ങളുടെ ലഭ്യത സർക്കാർ ഉറപ്പാക്കിയിട്ടുണ്ടെന്ന് കൃഷിമന്ത്രി ശിവരാജ് സിംഗ് ചൗഹാൻ വ്യക്തമാക്കി.2024-25 റാബി സീസണിൽ 115 ലക്ഷം ടൺ ഗോതമ്പും 18.15 ലക്ഷം ടൺ പയറുവർഗങ്ങളും ഉൾപ്പെടെ 164.55 ലക്ഷം ടൺ ഭക്ഷ്യധാന്യ ഉൽപ്പാദനം ലക്ഷ്യമാക്കി കൃഷി മന്ത്രാലയം പ്രവർത്തിക്കുന്നുണ്ടെന്ന് അറിയിച്ചു. റാബി സീസൺ വിളകളുടെ വിതയ്ക്കൽ ഇതിനകം ആരംഭിച്ചിട്ടുണ്ടെങ്കിലും, ദീപാവലിക്കു ശേഷം നടീൽ പ്രവർത്തനങ്ങൾ വേഗത്തിലാകുമെന്നാണ് പ്രതീക്ഷ.ഇന്ത്യ റാബി സീസണിൽ 5.5 ദശലക്ഷം ടൺ ഡിഎപി വളത്തിന്റെ 60 ശതമാനത്തോളം റഷ്യ, മൊറോക്കോ, സൗദി അറേബ്യ, ചൈന എന്നിവിടങ്ങളിൽ നിന്നാണ് ഇറക്കുമതി ചെയ്യുന്നതെന്ന് വളം സെക്രട്ടറി രജത് കുമാർ മിശ്ര പറഞ്ഞു.ഇന്ത്യൻ കൗൺസിൽ ഓഫ് അഗ്രികൾച്ചറൽ റിസർച് (ഐസിഎആർ) ഡയറക്ടർ ജനറൽ ഹിമാൻഷു പഥകും സീസണിൽ മികച്ച പ്രതീക്ഷ പ്രകടിപ്പിച്ചു. കഴിഞ്ഞ അഞ്ച് വർഷത്തിനുള്ളിൽ റാബി വിളകളുടെ ശരാശരി വിസ്തൃതി 668 ലക്ഷം ഹെക്ടറായിരുന്നുവെന്ന്, അതിൽ 312 ലക്ഷം ഹെക്ടറിലെ വിസ്തൃതിയിൽ ഗോതമ്പ് കൃഷി നടത്തിയതായി ഉദ്യോഗസ്ഥർ പറഞ്ഞു.വിളകളുടെ നടീൽ പ്രോത്സാഹിപ്പിക്കാൻ, ഗോതമ്പും മറ്റു ശൈത്യകാലത്ത് കൃഷി ചെയ്യുന്ന വിളകൾക്കും ഉയർന്ന മിനിമം താങ്ങുവില സർക്കാർ പ്രഖ്യാപിച്ചിരിക്കുകയാണ്.