ബെഡ് ടൈം ഗൈഡൻസ് വാച്ച്; ഉറക്ക സമയത്തിനും ഹൃദയാരോഗ്യത്തിനും വ്യക്തിഗത മാര്‍ഗ്ഗനിര്‍ദേശങ്ങള്‍ നല്‍കും
സാംസങ്ങിന്റെ പുതിയ വണ്‍ യുഐ 8 വാച്ച് സോഫ്റ്റ്‌വെയർ അപ്‌ഡേറ്റ്, ഉപയോക്താക്കള്‍ക്ക് മികച്ച ആരോഗ്യ ശീലങ്ങള്‍ വികസിപ്പിക്കാൻ സഹായിക്കുന്നതിനായി നിരവധി പുതിയ ഫീച്ചറുകളുമായി എത്തുന്നു.ഉറക്കം, ഹൃദയാരോഗ്യം, ഫിറ്റ്നസ്, പോഷകാഹാരം തുടങ്ങിയ മേഖലകളില്‍ കൂടുതല്‍ വ്യക്തിഗതമായി ഡാറ്റ ശേഖരിക്കുകയും വിശകലനം നടത്തുകയും ചെയ്യുന്ന ഈ സോഫ്റ്റ്‌വെയർ, വ്യക്തികളുടെ ദിനചര്യയില്‍ ദീർഘകാലാരോഗ്യം ഉറപ്പാക്കുന്നതാണ് ലക്ഷ്യം. നിലവില്‍ ബീറ്റാ പ്രോഗ്രാമിലൂടെയാണ് ഈ അപ്‌ഡേറ്റ് ലഭ്യമാകുന്നത്, പ്രത്യേകിച്ച്‌ ദക്ഷിണ കൊറിയയിലും യുഎസ്‌എയിലും ഗാലക്സി വാച്ച്5 സീരീസ് അല്ലെങ്കില്‍ അതിന്റെ പുതിയ മോഡലുകള്‍ ഉപയോഗിക്കുന്ന ഉപയോക്താക്കള്‍ക്കാണ് ഇത് ലഭിക്കുക.ഉറക്കത്തിലേയ്ക്കുള്ള ഏറ്റവും ശ്രദ്ധേയമായ പുതുമകളിലൊന്നാണ് ബെഡ്‌ടൈം ഗൈഡൻസ് ഫീച്ചർ. ഉപയോക്താവിന്റെ കഴിഞ്ഞ മൂന്ന് രാത്രികളിലെ ഉറക്ക ഡാറ്റ, ശരീരത്തിലെ സർക്കാഡിയൻ റിഥം, ഉറക്ക സമ്മർദ്ദം തുടങ്ങിയവയെ അടിസ്ഥാനമാക്കി മികച്ച ഉറക്ക സമയത്തിന് ശുപാർശ ചെയ്യുന്നതാണ് ഈ ഫീച്ചറിന്റെ പ്രധാന ലക്ഷ്യം. കൂടുതല്‍ ജാഗ്രതയും ഉണർന്നിരിക്കലും ഉറപ്പാക്കുന്ന ഷെഡ്യൂളുകള്‍ നിർദ്ദേശിക്കുന്നതോടെ, ആരോഗ്യകരമായ ഉറക്ക ശീലങ്ങള്‍ വളർത്താൻ ഉപയോക്താവിന് സഹായം ലഭിക്കും. ഓർമ്മപ്പെടുത്തലുകളും വ്യക്തിഗത നിർദ്ദേശങ്ങളും വഴി ഉറക്ക പാറ്റേണുകളില്‍ വലിയ മാറ്റങ്ങള്‍ കൊണ്ടുവരാൻ ഈ സംവിധാനം പ്രേരിപ്പിക്കുന്നു.ഹൃദയാരോഗ്യത്തില്‍ കൂടുതല്‍ പരിഗണന നല്‍കുന്ന മറ്റൊരു പ്രധാന ഉപാധിയാണ് വാസ്കുലർ ലോഡ് ട്രാക്കിങ്. ഉറക്ക സമയത്ത് ശരീരത്തിലെ രക്തക്കുഴലുകളില്‍ ഉണ്ടാകുന്ന സമ്മർദ്ദം എത്രമാത്രം സ്വാഭാവികമായി കുറയുന്നുവെന്നതിന്റെ അടിസ്ഥാനത്തില്‍ ഹൃദയാരോഗ്യത്തെക്കുറിച്ചുള്ള സൂചനകള്‍ ഇതിലൂടെ ലഭിക്കും. സ്ഥിരം സമ്മർദ്ദം, മോശം ഉറക്കം പോലുള്ള ഘടകങ്ങള്‍ ജീവിതശൈലിയുമായി ബന്ധപ്പെട്ട് ആരോഗ്യപ്രശ്നങ്ങള്‍ ഉണ്ടാകാനുള്ള സാധ്യതയെ സൂചിപ്പിക്കാമെന്നും സാംസങ്ങ് വ്യക്തമാക്കുന്നു.ഫിറ്റ്നസ് ആസ്പദമായ അടിസ്ഥാനമാക്കി 5 കിലോമീറ്റർ മുതല്‍ ഫുള്‍ മാരത്തണ്‍ വരെ പരിശീലന പദ്ധതികള്‍ സജ്ജമാക്കുന്ന റണ്ണിംഗ് കോച്ച്‌, ഉപയോഗിക്കുന്ന ആളിന്റെ പുരോഗതി നിരീക്ഷിച്ച്‌ ട്രെയിനിങ് ക്രമീകരിക്കുകയും പരിക്കുകള്‍ ഒഴിവാക്കുകയും ചെയ്യുന്നു. പോഷകാഹാര സംബന്ധിച്ചുള്ള ഫീഡ്‌ബാക്കിനായി, ചർമ്മത്തിലെ കരോട്ടിനോയിഡ് അളന്ന് ആന്റിഓക്‌സിഡന്റ് ഇൻഡക്സ് നിർണ്ണയിക്കുന്ന സംവിധാനവും അവതരിപ്പിച്ചിട്ടുണ്ട്. ഈ വിശകലനം വെറും അഞ്ച് സെക്കൻഡ് മാത്രമേ എടുത്തുല്ല, എന്നാല്‍ ഇത് ആരോഗ്യകരമായ വാർദ്ധക്യത്തിനായി പോഷകാഹാരത്തില്‍ ആവശ്യമായ മാറ്റങ്ങള്‍ നിർദ്ദേശിക്കുന്നു. ക്ലിനിക്കല്‍ രോഗനിർണയമല്ല, പൊതുജനാരോഗ്യ ബോധവത്ക്കരണത്തിനാണ് ഈ സംവിധാനം ലക്ഷ്യമിടുന്നത് എന്നതാണ് സാംസങ്ങിന്റെ നിലപാട്.
