വാട്ട്സ്ആപ്പ് വിഡിയോ കോളില് പുതിയ സെക്യുരിറ്റി ഫീച്ചര്
ന്യൂഡല്ഹി: വിഡിയോ കോളുകളില് പുതിയ അപ്ഡേറ്റുമായി വാട്സ്ആപ്പ്. ഉപയോക്തക്കളുടെ സുരക്ഷയ്ക്കായാണ് വിഡിയോ കോളുകളില് പുതിയ അപ്ഡേറ്റുമായി വാട്സ്ആപ്പ് എത്തിയിരിക്കുന്നത്. വിഡിയോ കോളുകള് എടുക്കുന്നതിന് മുമ്പ് കാമറ ഓഫ് ആകുന്ന പുതിയ ഫീച്ചര് വാട്സ്ആപ്പ് പരീക്ഷിക്കുന്നതായാണ് റിപ്പോര്ട്ട്.വാട്സ്ആപ്പില് നിലവില് വിഡിയോ കോള് വരുമ്പോൾ ഉപയോക്താക്കളുടെ ഫ്രണ്ട് കാമറകള് ഓട്ടോമാറ്റിക്കായി ഓണ് ആകുകയും ഇത് അനുവാദമില്ലാതെ തന്നെ സ്വീകര്ത്താവിന്റെ ദൃശ്യങ്ങള് പകര്ത്തുകയും ചെയ്യുന്നു.
പുതിയ അപ്ഡേറ്റ് പ്രകാരം വിഡിയോ കോളുകള് വരുമ്പോള് ക്യാമറ അല്ലെങ്കില് വിഡിയോ ഓഫ് ആക്കാനുള്ള ഓപ്ഷനും വിഡിയോ ഇല്ലാതെ കോള് എടുക്കാനുള്ള ഫീച്ചറും ലഭ്യമാകും. ഉപയോക്താക്കളുടെ സ്വകാര്യത കൂട്ടുന്ന ഫീച്ചര് കൂടിവരുന്ന സൈബര് തട്ടിപ്പുകളെ തടയുമെന്നാണ് വിലയിരുത്തല്. കൂടാതെ തട്ടിപ്പുകാര് വിഡിയോ കോളുകള് വഴി അനുവാദമില്ലാതെ ഉപയോക്താക്കളുടെ ചിത്രങ്ങള് സ്ക്രീന്ഷോട്ട് വഴി പകര്ത്തുന്നത് തടയും.ആന്ഡ്രോയിഡ് ഉപകരണങ്ങള്ക്കായി വാട്ട്സ്ആപ്പ് ബീറ്റ പതിപ്പ് 2.25.7.3 ല് ആന്ഡ്രോയിഡ് അതോറിറ്റി ഈ ഫിച്ചര് കണ്ടെത്തി. കൂടാതെ പുറത്തുവന്ന സ്ക്രീന്ഷോട്ടുകളില് കോളുകള് സ്വീകരിക്കുന്നതിന് മുമ്പ് ഉപയോക്താക്കള്ക്ക് ക്യാമറ കണ്ട്രോള് ഓപ്ഷനുകള് നല്കുന്ന പുതിയ ഇന്റര്ഫേസ് ഘടകങ്ങള് കാണിക്കുന്നുണ്ട്.
