ചൈനയില്‍ 13 മാസത്തിനിടെ ആദ്യമായി ഉപഭോക്തൃ വിലകള്‍ കുറഞ്ഞു
ചൈനയില്‍ ഉപഭോക്തൃ വിലകള്‍ കുറഞ്ഞു. 13 മാസത്തിനിടെ ആദ്യമായാണ് ഫെബ്രുവരിയില്‍ വിലകള്‍ കുറഞ്ഞത്. ചാന്ദ്ര പുതുവത്സര അവധി നേരത്തെയായതോടെ ഡിമാന്‍ഡ് തുടര്‍ച്ചയായി ദുര്‍ബലമായത്.ഉപഭോക്തൃ വില സൂചിക ഫെബ്രുവരിയില്‍ കഴിഞ്ഞ വര്‍ഷത്തെ അപേക്ഷിച്ച് 0.7 ശതമാനം കുറഞ്ഞതായി നാഷണല്‍ ബ്യൂറോ ഓഫ് സ്റ്റാറ്റിസ്റ്റിക്‌സ് ഞായറാഴ്ച അറിയിച്ചു. പ്രതിമാസ അടിസ്ഥാനത്തില്‍, ജനുവരിയില്‍ നിന്ന് വിലകള്‍ 0.2 ശതമാനം ഇടിഞ്ഞു.മറ്റു പല രാജ്യങ്ങളും പണപ്പെരുപ്പവുമായി മല്ലിടുന്ന സാഹചര്യത്തിൽ ചൈന വിലയിടിവിനെ നേരിടുകയാണ്. കൂടാതെ അവ സമ്പദ് വ്യവസ്ഥയെ പിന്നോട്ടടിക്കുന്ന ഒരു പ്രവണതയാകാനും സാധ്യതയുണ്ട്. ആഭ്യന്തര ആവശ്യകതയും ഉപഭോക്തൃ ചെലവും വര്‍ധിപ്പിക്കേണ്ടതിന്റെ ആവശ്യകതയെക്കുറിച്ച് സര്‍ക്കാര്‍ കഴിഞ്ഞ ആഴ്ച നാഷണല്‍ പീപ്പിള്‍സ് കോണ്‍ഗ്രസിന് നല്‍കിയ വാര്‍ഷിക റിപ്പോര്‍ട്ടില്‍ പറഞ്ഞിരുന്നു.
ഭക്ഷണം, യാത്ര, വിനോദം എന്നിവയ്ക്കുള്ള ചെലവ് ഉയർത്തുന്ന സമയമായ ചാന്ദ്ര പുതുവത്സരം ഫെബ്രുവരിക്ക് പകരം ഈ വര്‍ഷം ജനുവരി അവസാനമാണ് വന്നത്. അവധിക്കാല ചെലവ് ജനുവരിയില്‍ ഉപഭോക്തൃ വില സൂചിക 0.5 ശതമാനം ഉയര്‍ത്താന്‍ സഹായിച്ചു, എന്നാല്‍ 2024 ലെ ഉയര്‍ന്ന നിലവാരവുമായി താരതമ്യപ്പെടുത്തുമ്പോള്‍ കഴിഞ്ഞ മാസം അത് കുറഞ്ഞു.അവധി ദിനത്തിന്റെ ആഘാതം കണക്കിലെടുക്കുമ്പോള്‍, കഴിഞ്ഞ മാസം സൂചിക 0.1 ശതമാനം ഉയര്‍ന്നുവെന്ന് ഗവണ്‍മെന്റ് സ്റ്റാറ്റിസ്റ്റിക്‌സ് ബ്യൂറോയിലെ സ്റ്റാറ്റിസ്റ്റിഷ്യന്‍ ഡോങ് ലിജുവാന്‍ ഒരു വിശകലനത്തില്‍ പറഞ്ഞു.അമേരിക്കയുമായുള്ള വ്യാപാര യുദ്ധം വളര്‍ന്നുവരുന്നത് ചൈനയുടെ സാമ്പത്തിക പ്രതിസന്ധി കൂടാനിടവരും.
ഫെബ്രുവരിയില്‍ 2.2 ശതമാനം സാധനങ്ങളുടെ മൊത്തവില അളക്കുന്ന പ്രൊഡ്യൂസര്‍ പ്രൈസ് ഇന്‍ഡക്‌സ് കുറഞ്ഞുവെന്ന് സ്റ്റാറ്റിസ്റ്റിക്‌സ് ബ്യൂറോ അറിയിച്ചു. ഉപഭോക്തൃ വിലയേക്കാള്‍ ഉല്‍പ്പാദക വിലകള്‍ കുത്തനെ ഇടിയുന്നത് കമ്പനികള്‍ക്ക് തൊഴില്‍ ചെലവുകളും മറ്റ് ചെലവുകളും കുറയ്ക്കാന്‍ സമ്മര്‍ദ്ദം ചെലുത്തുന്നു.
