മതിയായ വരുമാനമില്ലാതെ 100 കോടി ഇന്ത്യാക്കാർ
മതിയായ വരുമാനമില്ലാതെ 100 കോടി ജനങ്ങള്‍!ചെലവഴിക്കാന്‍ മതിയായ വരുമാനം ഇല്ലാത്ത 100 കോടി ജനങ്ങള്‍ ഇവിടെയുണ്ടെന്നു എന്നാല്‍ നൂറൂകോടി ഇന്ത്യാക്കാര്‍ക്ക് ഇഷ്ടാനുസൃതമായ വസ്തുക്കള്‍ക്കായി ചെലവഴിക്കാന്‍ അധിക പണമില്ലെന്ന് വെഞ്ച്വര്‍ ക്യാപിറ്റല്‍ സ്ഥാപനമായ ബ്ലൂം വെഞ്ച്വേഴ്സിന്റെ പഠനം പറയുന്നു. അതായത്, ഇന്ത്യയിലെ ജനസംഖ്യയുടെ ഏകദേശം 90 ശതമാനം ആളുകൾക്കും അത്യാവശ്യമല്ലാത്ത വസ്തുക്കള്‍ വാങ്ങാനുള്ള സാമ്പത്തിക ശേഷിയില്ല.
ഇന്ത്യയിലെ ‘ഉപഭോക്തൃ ക്ലാസ്’ ഏകദേശം 130-140 ദശലക്ഷം ആളുകള്‍ മാത്രമാണ് എന്ന് പഠനം വ്യക്തമാക്കുന്നു. ഈ വിഭാഗത്തിൽപ്പെട്ട വ്യക്തികള്‍ക്ക് അവരുടെ അടിസ്ഥാന ആവശ്യങ്ങള്‍ക്കപ്പുറം മറ്റ് വരുമാനമുണ്ടെന്നും റിപ്പോര്‍ട്ട് പരാമര്‍ശിക്കുന്നു.
മറ്റൊരു വിഭാഗത്തെ ‘ഉയര്‍ന്നുവരുന്ന’ ഉപഭോക്താക്കളായി തരംതിരിച്ചിട്ടുണ്ട് ഏകദേശം 300 ദശലക്ഷംആളുകൾ ഇതിൽ ഉൾപ്പെടുന്നു. ഡിജിറ്റല്‍ പേയ്മെന്റുകളിലൂടെ ഈ ഗ്രൂപ്പ് കൂടുതല്‍ പണം ചെലവഴിക്കാന്‍ ആരംഭിച്ചിട്ടുണ്ടെങ്കിലും അവര്‍ ജാഗ്രതയോടെ വാങ്ങുന്നവരാണ്.
രാജ്യത്ത് സമ്പത്ത് കേന്ദ്രീകരിക്കപ്പെടുകയാണെന്ന് റിപ്പോര്‍ട്ട് വ്യക്തമാക്കുന്നത്. വിശാലമായ ഒരു വികസനം രാജ്യത്ത് സാധ്യമാകുന്നില്ല.
പ്രീമിയംവല്‍ക്കരണത്തിലാണ് കമ്പനികള്‍ കൂടുതലായി ശ്രദ്ധ കേന്ദ്രീകരിക്കുന്നത്. ആഡംബര ഭവനങ്ങളുടെയും പ്രീമിയം സ്മാര്‍ട്ട്ഫോണുകളുടെയും കുതിച്ചുയരുന്ന വില്‍പന ഈ പ്രവണത തുറന്നുകാട്ടുന്നു. ബജറ്റ്-സൗഹൃദ ഓപ്ഷനുകള്‍ ഇവിടെ ബുദ്ധിമുട്ട് നേരിടുന്നു. ഇവിടെ സമ്പന്നര്‍ അഭിവൃദ്ധി പ്രാപിക്കുന്നു, അതേസമയം ദരിദ്രരുടെ വാങ്ങല്‍ ശേഷി കുറയുന്നു.
റിപ്പോര്‍ട്ടില്‍ പറഞ്ഞിരിക്കുന്ന കണക്കുകള്‍ പ്രകാരം, ഇപ്പോള്‍ ദേശീയ വരുമാനത്തിന്റെ 57.7 ശതമാനം കൈവശം വച്ചിരിക്കുന്നത് 10 ശതമാനം ഇന്ത്യക്കാരാണ്. 1990-ല്‍ ഇത് വെറും 34 ശതമാനമായിരുന്നു. ഏറ്റവും താഴേക്കിടയിലുള്ളവരുടെ വരുമാനം താഴുകയും ചെയ്തിട്ടുണ്ട്.
