വിദ്യാർത്ഥികൾക്കായി പുതിയ ഏസർ ആസ്പയർ 3 ലാപ്‌ടോപ്പ്; വില 15,990 രൂപ മുതൽ
തായ്‌വാനീസ് ടെക്നോളജി ബ്രാൻഡായ ഏസർ വിദ്യാർത്ഥികളെയും ഉപഭോക്താക്കളെയും ലക്ഷ്യമിട്ട് പുതിയ ലാപ്‌ടോപ്പ് മോഡൽ ആസ്പയർ 3 ഇന്ത്യയിൽ അവതരിപ്പിച്ചു. ഇന്‍റൽ സെലറോൺ എൻ4500 പ്രോസസറോടുകൂടിയ ലാപ്‌ടോപ്പിൻ്റെ പ്രധാന സവിശേഷത ഭാരം കുറഞ്ഞ രൂപകൽപ്പനയും ആകർഷകമായ വിലയും തന്നെയാണ്. ദൈനംദിന കമ്പ്യൂട്ടിംഗ് ആവശ്യങ്ങൾക്ക് അനുയോജ്യമായതും വിദ്യാർത്ഥികൾക്കും തുടക്കക്കാർക്കും പ്രയോജനകരമായതുമാണ് ഈ മോഡൽ എന്നാണ് കമ്പനി വ്യക്തമാക്കി.
15,990 രൂപ മുതൽ ആരംഭിക്കുന്ന ഏസർ ആസ്പയർ 3 ലാപ്‌ടോപ്പ്, ഇന്ത്യയിലെ ഇ-കൊമേഴ്‌സ് പ്ലാറ്റ്‌ഫോമായ ഫ്ലിപ്കാർട്ടിൽ ലഭ്യമാണ്. 11.6 ഇഞ്ച് എൽഇഡി ബാക്ക്‌ലിറ്റ് HD ഡിസ്‌പ്ലേയുള്ള ഈ മോഡലിന് ഇന്‍റൽ സെലറോൺ എൻ4500 പ്രോസസറിനൊപ്പം ഇന്‍റൽ UHD ഗ്രാഫിക്സും ഉൾക്കൊള്ളുന്നു, ഇത് മികച്ച വീഡിയോ പ്ലേബാക്ക്, മൾട്ടി ടാസ്കിംഗ് എന്നിവയ്ക്ക് സഹായകമാകും. 8 ജിബി DDR4 റാമുള്ള ലാപ്‌ടോപ്പ് 16 ജിബി വരെ അപ്‌ഗ്രേഡ് ചെയ്യാൻ കഴിയും. സ്റ്റോറേജ് 128 ജിബി മുതൽ 1TB വരെ PCIe NVMe SSD ഓപ്ഷനുകൾ ലഭ്യമാണ്.
സൗകര്യപ്രദമായ പോർട്ടബിലിറ്റി ലക്ഷ്യം വച്ച് രൂപകൽപ്പന ചെയ്തിരിക്കുന്ന ഏസർ ആസ്പയർ 3, 16.8mm സ്ലിം പ്രൊഫൈലും ഏകദേശം 1 കിലോഗ്രാം ഭാരവും പിന്തുടരുന്നു. കൊമ്പാക്റ്റ് രൂപകൽപ്പനയുണ്ടെങ്കിലും, USB 3.2 Gen 1, USB Type-C, HDMI, മൈക്രോ SD കാർഡ് റീഡർ എന്നിവ ഉൾപ്പെടുന്ന പോർട്ടുകൾ ഈ മോഡലിൽ ലഭ്യമാണ്. 720p HD വെബ്‌ക്യാം, ഡ്യുവൽ സ്റ്റീരിയോ സ്പീക്കറുകൾ, മൈക്രോസോഫ്റ്റ് പ്രിസിഷൻ-സർട്ടിഫൈഡ് മൾട്ടി-ജെസ്റ്റർ ടച്ച്പാഡ് എന്നിവയും ലാപ്‌ടോപ്പിന്‍റെ പ്രധാന സവിശേഷതകളാണ്. പവർ, പോർട്ടബിലിറ്റി, വിലക്കുറവ് എന്നീ മൂല്യങ്ങൾ സംയോജിപ്പിച്ച പുതിയ ലാപ്‌ടോപ്പ് വിദ്യാർത്ഥികൾക്കും തുടക്കക്കാർക്കും മാത്രമല്ല, കേവലം ഒരു ലഘുവായ ഡിവൈസ് ആഗ്രഹിക്കുന്ന ഉപയോക്താക്കൾക്കും അനുയോജ്യമാണെന്ന് ഏസർ ഇന്ത്യയുടെ ചീഫ് ബിസിനസ് ഓഫീസർ സുധീർ ഗോയൽ പറഞ്ഞു.
ഏസർ ആസ്പയർ 3: പ്രധാന സവിശേഷതകൾ
– ഡിസ്‌പ്ലേ: 11.6-ഇഞ്ച് എൽഇഡി-ബാക്ക്‌ലിറ്റ് HD സ്ക്രീൻ
– പ്രോസസർ: ഇന്‍റൽ സെലറോൺ N4500
– റാം: 8GB DDR4 (16GB വരെ വിപുലീകരിക്കാം)
– സ്റ്റോറേജ്: 128GB മുതൽ 1TB വരെ PCIe NVMe SSD
– പോർട്ടുകൾ: USB 3.2 Gen 1, USB Type-C, HDMI, മൈക്രോ SD കാർഡ് റീഡർ
– വെബ്‌ക്യാം: 720p HD
– സ്പീക്കർ: സ്റ്റീരിയോ
