“കേരളം വ്യവസായ സൗഹൃദ നാട്”: റെസ്റ്റോറന്റുകൾ കൊണ്ട് വിജയകഥ സൃഷ്ടിച്ച് ഷെഫ് പിള്ള

കേരളത്തിൽ വ്യവസായമാരംഭിക്കുന്നത് ഒരു വെല്ലുവിളിയല്ലെന്ന് പ്രശസ്ത ഷെഫ് സുരേഷ് പിള്ള അഭിപ്രായപ്പെട്ടു. ഇതുവരെ 16 റെസ്റ്റോറന്റുകളും 13 ബ്രാഞ്ചുകളും ആരംഭിച്ചതിലൂടെ തനിക്ക് ഈ വിശ്വാസം സാക്ഷ്യപ്പെടുത്താനായെന്ന് അദ്ദേഹം പറഞ്ഞു. കേരളം വ്യവസായ സൗഹൃദമല്ലെന്ന വാദം താൻ അംഗീകരിക്കാനാകില്ലെന്നും അദ്ദേഹം ഉറപ്പിച്ചു. ജെയിൻ സർവ്വകലാശാല സംഘടിപ്പിച്ച ‘സമ്മിറ്റ് ഓഫ് ഫ്യൂച്ചർ 2025’ൽ ‘ഭക്ഷണവും സൃഷ്ടിപ്രവർത്തനവും’ എന്ന വിഷയത്തിൽ സംസാരിക്കുകയായിരുന്നു സുരേഷ് പിള്ള.

“ലെമെറിഡിയനിൽ റെസ്റ്റോറന്റ് ആരംഭിച്ചതിനെ തുടർന്ന് ഒരുപാട് പേർ ചോദിച്ച ചോദ്യമാണ്, സാധാരണക്കാരൻ എളുപ്പത്തിൽ ആക്സസ് ചെയ്യാനാകുന്ന റെസ്റ്റോറന്റുകളാണ് ആരംഭിക്കേണ്ടതെന്ന്. എന്നാൽ, ലെമെറിഡിയനിലെ റെസ്റ്റോറന്റ് ആരംഭിച്ചതാണ് ‘ആർസിപി’ എന്നത് വിജയത്തിലേക്ക് എത്തിച്ചത്. ലെമെറിഡിയനിൽ ആദ്യം ഒരു തേർഡ് പാർട്ടി റെസ്റ്റോറന്റ് തുടങ്ങുന്നതിലൂടെ ലഭിച്ച അംഗീകാരം ഒരു നിർണായക ഘടകമായിരുന്നു,” അദ്ദേഹം പറഞ്ഞു.

ചെസ്സ് കളി ജീവിതത്തിലുണ്ടാക്കിയ സ്വാധീനം പങ്കുവച്ച പിള്ള, ജയിക്കാതിരുന്നാലും തോൽക്കാതിരിക്കാൻ ചെസ്സ് പഠിപ്പിക്കുന്നതിന് സമാനമായ ഒരു അനുഭവമാണെന്നും അഭിപ്രായപ്പെട്ടു. ചെസ്സ് തന്റെ പ്രിയപ്പെട്ട കളിയാണെന്നും അദ്ദേഹം കൂട്ടിച്ചേർത്തു. “അറബിക് ഭക്ഷണം ഇപ്പോൾ കേരളത്തിൽ വളരെ ജനപ്രിയമാണ്. പക്ഷേ, അതിനെ നാടൻ രുചിയുമായി ചേർത്തതിലൂടെ ഒരു പുതിയ പരിണാമമുണ്ടാകും. മലയാളികൾക്ക് അവരുടെ നാടൻ രുചികളെ മറക്കാനാവില്ല,” അദ്ദേഹം പറഞ്ഞു.