തക്കാളി വിലയിൽ കുതിപ്പ്: 100 രൂപ കടന്നു
ഓണത്തിന്റെ ആഘോഷങ്ങൾക്കൊപ്പം തക്കാളിയുടെ വില ഉയരാൻ തുടങ്ങി. ഓണത്തിന് 25 രൂപ ആയിരുന്ന വില, സെപ്റ്റംബര്‍ അവസാനം 60 രൂപയിലേക്ക് ഉയർന്നു. ഇപ്പോൾ, ഒക്ടോബര്‍ ആദ്യ വാരത്തിൽ, ഈ വില 100 രൂപയിലേക്ക് എത്തിയിട്ടുണ്ട്. ഉത്സവ സീസണിന് അനുബന്ധിച്ച് വില കൂടുതൽ ഉയരാൻ സാധ്യതയുണ്ടെന്ന് വിപണി വിലയിരുത്തലുകൾ പറയുന്നു.നാസിക്കിൽ 20 കിലോ തക്കാളി പെട്ടിക്കായുള്ള വില 1,500-1,600 രൂപയാണ്. അമിത മഴയും വൈറസ് ആക്രമണവുമാണ് ഉല്പാദനത്തെ ആഘാതം കൈവരുത്തിയത്. മഹാരാഷ്ട്ര ഉൾപ്പെടെയുള്ള പ്രധാന ഉല്പാദന സംസ്ഥാനങ്ങൾ വിള നാശത്തിന്റെ ഭീഷണിയിലുണ്ട്. വില ഗണ്യമായി കുറഞ്ഞ സമയങ്ങളിൽ, നിരവധി കർഷകർ തക്കാളി കൃഷി ചെയ്യുന്നതിൽ നിന്ന് പിന്മാറിയതും ഉല്പാദനം കുറയാൻ കാരണമായി. ഈ വർഷം ജൂണിൽ തക്കാളിയുടെ വില 100 രൂപ രേഖപ്പെടുത്തിയിരുന്നു.
