ഷാര്‍ജയില്‍ ഇലക്ട്രിക് ബസ് സര്‍വീസ് ആരംഭിച്ചു
ഷാർജയിൽ ഇലക്ട്രിക് ബസ് സർവീസ് ആരംഭിച്ചു, ഇത് മൂന്ന് ഇന്റർസിറ്റി റൂട്ടുകളിലായി 10 ബസുകളോടെ സര്‍വീസ് ആരംഭിച്ചിരിക്കുന്നു. യു.എ.ഇയുടെ കാർബൺ രഹിത പദ്ധതിയായ നെറ്റ് സീറോ 2050ന് പിന്തുണയായാണ് ഈ പദ്ധതി നടപ്പാക്കിയത്.
ദുബായ്, അൽ ഹംറിയ, അജ്മാൻ എന്നിവ ഉൾപ്പെടുന്ന റൂട്ടുകളിലാണ് ഈ ബസുകൾ സർവീസ് നടത്തുന്നത്. ആദ്യ ഘട്ടം വിജയകരമായാൽ, ഗതാഗത അതോറിറ്റി ഇത് മറ്റ് പ്രദേശങ്ങളിലേക്ക് വ്യാപിപ്പിക്കാൻ പദ്ധതിയിടുന്നു.9 മീറ്റർ നീളമുള്ള ബസുകളിൽ 41 യാത്രക്കാരെ ഉൾക്കൊള്ളാൻ കഴിയും. കാലാവസ്ഥയെ അനുസരിച്ച് താപനില ക്രമീകരിക്കാൻ കഴിയുന്ന സവിശേഷതയും ബസുകളിൽ ഉണ്ട്. അന്താരാഷ്ട്ര സുരക്ഷാ മാനദണ്ഡങ്ങൾ പാലിക്കുന്ന ഈ ബസുകൾക്ക് യൂറോപ്യൻ സുരക്ഷാ സർട്ടിഫിക്കറ്റും ലഭിച്ചിട്ടുണ്ട്.
