ഇന്ത്യയിൽ പുതിയ ഐഫോണ്‍ മോഡലുകളുടെ നിര്‍മ്മാണം ആരംഭിച്ചു

ആപ്പിള്‍ ആഗോളതലത്തില്‍ ഐഫോണ്‍ 16 സീരീസ് അവതരിപ്പിക്കാൻ ഒരുങ്ങുന്നു, ഉല്‍പ്പാദന തന്ത്രത്തില്‍ വലിയ മാറ്റങ്ങളോടെ. ഇന്ത്യയില്‍ നിര്‍മിച്ച പുതിയ ഐഫോണുകള്‍ ലോഞ്ച് കഴിഞ്ഞ് ഉടൻ തന്നെ ലോകവ്യാപകമായി വിതരണം ചെയ്യുമെന്ന് റിപ്പോര്‍ട്ട് ചെയ്യുന്നു.ഇത് ആദ്യമായാണ് ഇത്രയും വേഗത്തില്‍ ഇന്ത്യന്‍ നിര്‍മിത ഐഫോണുകള്‍ ആഗോള വിപണികളിലേക്ക് കയറ്റുമതി ചെയ്യുന്നത്. ആപ്പിളിന്റെ ‘ഗ്ലോടൈം’ ഇവന്റില്‍ അവതരിപ്പിക്കുന്ന ഐഫോണ്‍ 16 സീരീസ് 10-12 ദിവസങ്ങള്‍ക്കുള്ളില്‍ സ്റ്റോറുകളില്‍ എത്തുമെന്നാണ് പ്രതീക്ഷ.ഐഫോണ്‍ 16 മോഡലുകളുടെ നിര്‍മാണം ഇന്ത്യയില്‍ ആരംഭിച്ചുകഴിഞ്ഞിട്ടുണ്ട്, ലോകമെമ്പാടുമുള്ള നഗരങ്ങളിലേക്ക് വിപണിയില്‍ എത്തുന്നതോടെ, ആപ്പിളിന് ഇത് നിര്‍ണായകമായ നീക്കമാകും.ചൈനയില്‍ നിന്നുള്ള ആശ്രയം കുറയ്ക്കാനുള്ള തന്ത്രത്തിന്റെ ഭാഗമായാണ് ഇന്ത്യയില്‍ ഉല്‍പ്പാദനം വര്‍ധിപ്പിക്കാനുള്ള ആപ്പിളിന്റെ തീരുമാനം. ഇന്ത്യയിലൂടെ വിതരണ ശൃംഖലയെ വൈവിധ്യവത്കരിച്ചുകൊണ്ട്, ആപ്പിള്‍ അതിന്റെ സാന്നിധ്യം ലോകത്തിലെ ഏറ്റവും വേഗത്തിൽ വളരുന്ന സ്മാര്‍ട്ട്ഫോണ്‍ വിപണിയില്‍ ശക്തിപ്പെടുത്തുകയാണ്.ഐഫോണ്‍ 16 സീരീസ്, വലുതായ സ്‌ക്രീനുകള്‍, മെച്ചപ്പെട്ട എഐ സവിശേഷതകള്‍, പ്രോ മോഡലുകളില്‍ 6.3 ഇഞ്ചും 6.9 ഇഞ്ചും ഉള്ള ഡിസ്പ്ലേകള്‍, പുതിയ എ18 ചിപ്പ്, മികച്ച ഊര്‍ജ്ജ കാര്യക്ഷമത, 5x ടെലിഫോട്ടോ ലെന്‍സുള്‍പ്പെടെ മികച്ച അപ്ഡേറ്റുകളോടെയാണ് അവതരിപ്പിക്കപ്പെടുക.ഇന്ത്യയില്‍ നിര്‍മിച്ച ഐഫോണുകളുടെ ആഗോള ലഭ്യത ഇന്ത്യയുടെ സാങ്കേതിക നിര്‍മ്മാണ മേഖലയിൽ വലിയ നേട്ടമാകും, അതിനോടൊപ്പം ‘മെയ്ക്ക് ഇന്‍ ഇന്ത്യ’ ശ്രമങ്ങള്‍ക്കും വലിയ മുന്നേറ്റമായിരിക്കും.