ക്രിപ്റ്റോകറന്സികള് തകർച്ചയിൽ?
ബിറ്റ്കോയിന് അടക്കമുള്ള ക്രിപ്റ്റോകറന്സികള് നേരിടുന്നത് സമാനതകളില്ലാത്ത തകര്ച്ച. പ്രമുഖ ക്രിപ്റ്റോകറന്സിയായ ബിറ്റ്കോയിന് മൂല്യം ഒരുമാസത്തിനിടെ 25-30 ശതമാനത്തിനടുത്താണ് ഇടിഞ്ഞത്. 1,26,000 ഡോളര് വരെ ഉയര്ന്ന ബിറ്റ്കോയിന് വില നിലവില് 91,040 ഡോളറിലാണ്. നിക്ഷേപകരുടെ ക്രിപ്റ്റോ മൂല്യത്തില് കഴിഞ്ഞ ആറാഴ്ച്ചയ്ക്കിടെ 1.2 ട്രില്യണ് ഡോളറിന്റെ നഷ്ടമാണ് രേഖപ്പെടുത്തിയത്.
ക്രിപ്റ്റോകറന്സികളിലെല്ലാം വീഴ്ച്ച പ്രകടമാണെങ്കിലും സ്ഥിതിഗതികള് ഇത്രത്തോളം രൂക്ഷമാക്കിയത് ബിറ്റ്കോയിന്റെ ഇടിവാണ്. കഴിഞ്ഞ 30 ദിവസത്തിനിടെ ദീര്ഘകാല നിക്ഷേപകര് 8,15,000 ബിറ്റ്കോയിനാണ് വിറ്റഴിച്ചത്. 2024 ജനുവരിക്ക് ശേഷമുള്ള ഏറ്റവും ഉയര്ന്ന ഇടപാടാണിത്. ക്രിപ്റ്റോ കറന്സിയുമായി ബന്ധപ്പെട്ട സേവനങ്ങള് നല്കിയിരുന്ന പ്രമുഖ കമ്പനികളിലൊന്നായ ഡാപ്പ്റഡാര് പ്രവര്ത്തനം അവസാനിപ്പിക്കുന്നതായി പ്രഖ്യാപിച്ചു. 2018ല് ആരംഭിച്ച ബ്ലോക്ക്ചെയിന് കേന്ദ്രീകൃത ഡാറ്റാ അനലിറ്റിക്സ് കമ്പനിയാണിത്.
