പാലിയേക്കരയിൽ ടോള് വിലക്ക് തുടരും
തൃശൂർ: പാലിയേക്കരയിൽ ടോൾ വിലക്ക് തുടരും. ദേശീയപാതയിലെ ഗതാഗതക്കുരുക്ക് പൂർണമായും പരിഹരിച്ചിട്ടില്ലെന്ന് ജില്ലാ കളക്ടർ അറിയിച്ചു. ടോൾ പിരിവ് പുനരാരംഭിക്കുന്നതിൽ വെള്ളിയാഴ്ച്ച വീണ്ടും വിധിപറയും. കളക്ടറോട് നേരിട്ട് പരിശോധിക്കാനും നിര്ദേശിച്ചു.
അമ്പലൂർ, മുരുങ്ങൂർ മേഖലകളിൽ ട്രാഫിക് ബ്ലോക്ക് ഇപ്പോഴുമുണ്ടെന്നും ജില്ലാ കളക്ടർ പറഞ്ഞു. 60 കിലോമീറ്റര് ടോള് പിരിക്കുന്ന ദൂരത്തിൽ മൂന്നോ നാലോ ഇടങ്ങളിൽ മാത്രമാണ് പ്രശ്നമെന്നാണ് എജി ഹൈക്കോടതിയെ അറിയിച്ചത്. ഇപ്പോള് ഏതെങ്കിലും ഇടങ്ങളില് ഗതാഗത കുരുക്ക് ഉണ്ടോയെന്ന് കളക്ടറോട് ചോദിച്ച കോടതി ഇന്ന് തന്നെ സ്ഥലം സന്ദര്ശിച്ച് പരിശോധിക്കാനും നിര്ദേശം നൽകി.
