താരനും മുടികൊഴിച്ചിലും തടയാൻ ഇതാണ് നല്ല ഐഡിയ

തൈര്

വെയിലാണെങ്കിലും മഴയാണെങ്കിലും മുടിയുടെ സംരക്ഷണം വളരെ പ്രധാനമാണ്. ശരിയായ രീതിയിലുള്ള മുടി സംരക്ഷണം ഉറപ്പാക്കാൻ പ്രത്യേകം ശ്രദ്ധിക്കുകയും വേണം. പലരും നേരിടുന്ന പ്രധാന പ്രശ്നങ്ങളിലൊന്നാണ് മുടികൊഴിച്ചിലും താരനുമൊക്കെ. മുടികൊഴിച്ചിലിൻ്റെ പ്രധാന കാരണക്കാരിൽ ഒരാളാണ് താരൻ. എത്ര ശ്രമിച്ചിട്ടും താരൻ മാറ്റാൻ കഴിയാതെ ബുദ്ധിമുട്ടുന്നവരുണ്ടാകും. താരൻ എളുപ്പത്തിൽ മാറ്റാൻ വീട്ടിൽ തന്നെ ചെയ്യാൻ കഴിയുന്നൊരു പരിഹാര മാ‌​ർ​ഗമുണ്ട്. തൈരാണ് ഇതിലെ പ്രധാന ചേരുവ.ആരോ​ഗ്യത്തിന് തൈര് തരുന്ന ​ഗുണങ്ങൾ നിരവധിയാണ് ധാരാളം. പോഷക ​ഗുണങ്ങളുള്ള തൈര് പലപ്പോഴും ദൈനംദിന ഭക്ഷണക്രമത്തിൽ എല്ലാവരും ഉൾപ്പെടുത്താറുണ്ട്. തൈര് ചർമ്മത്തിനും മുടിയ്ക്കും ഏറെ നല്ലതാണ്. തൈരിൽ അടങ്ങിയിട്ടുള്ള ലാക്റ്റിക് ആസിഡാണ് ഇതിൽ പ്രധാനി. ഇതിലെ ആൻ്റി ഇൻഫ്ലമേറ്ററി ​ഗുണങ്ങൾ തലയിൽ താരൻ അകറ്റാനുള്ള നല്ലൊരു മാ‍ർ​ഗമായി പ്രവർത്തിക്കുന്നു. മുടി കൊഴിച്ചിൽ മാറ്റി മുടി വളർത്താനും മുടിയെ മൃദുവാക്കാനും തൈര് വളരെ നല്ലതാണ്.

ഒലീവ് ഓയിൽ

ഭക്ഷണം പാകം ചെയ്യാൻ മാത്രമല്ല മുടിയ്ക്കും ഒലീവ് ഓയിൽ ഏറെ നല്ലതാണ്. വരണ്ടതും ചൊറിച്ചിലുള്ളതുമായ തലയോട്ടിയിലാണ് താരൻ ഉണ്ടാകാറുള്ളത്. ഇത് പലപ്പോഴും പല പ്രശ്നങ്ങളും ഉണ്ടാക്കാറുണ്ട്. ഒലീവ് ഓയിൽ ഉപയോ​ഗിക്കുന്നത് ഇത്തരത്തിലെ അണുബാധയെ മാറ്റാനും തലയോട്ടിയിലെ ചൊറിച്ചിൽ കുറയ്ക്കാനും സഹായിക്കും. കൂടാതെ മുടികൊഴിച്ചിൽ കുറയ്ക്കാനും മുടിയ്ക്ക് ബലം കൂട്ടാനും ഒലീവ് ഓയിൽ ഏറെ നല്ലതാണ്.

മുട്ടയുടെ വെള്ള

ദിവസവും മുട്ട കഴിക്കുന്നതിലൂടെ പല തരത്തിലുള്ള ആരോ​ഗ്യ ​ഗുണങ്ങളാണ് ഒരു വ്യക്തി ലഭിക്കുന്നത്. മുട്ടയിലെ പ്രോട്ടീൻ ആരോ​ഗ്യത്തിനും മുടിയ്ക്കും ഏറെ മികച്ചതാണ്. ഇതിൽ ധാരാളം പ്രോട്ടീനുകളും ധാതുക്കളും അടങ്ങിയിട്ടുണ്ട്. മുടിയിലുണ്ടാകുന്ന അമിതമായ എണ്ണമയം കുറയ്ക്കാനും തലയോട്ടിയെ വ്യത്തിയാക്കാനും മുട്ടയുടെ വെള്ള സഹായിക്കും. പ്രത്യേകിച്ച് താരൻ പോലെയുള്ള പ്രശ്നങ്ങൾ മാറ്റാൻ മുട്ടയുടെ വെള്ള നല്ലതാണ്.

പായ്ക്ക് തയാറാക്കാൻ

ഈ പായ്ക്ക് തയാറാക്കാനായി ഒരു കപ്പ് തൈരിലേക്ക് ഒരു മുട്ടയുടെ വെള്ളയും രണ്ട് ടീ സ്പൂൺ ഒലീവ് ഓയിലും ചേർത്ത് നന്നായി യോജിപ്പിക്കുക. ഇനി ഇത് തലയോട്ടിയിലും മുടിയിലും നന്നായി തേച്ച് പിടിപ്പിക്കുക. അതിന് ശേഷം 20 മിനിറ്റ് കഴിഞ്ഞ് മുടി കഴുകി വ്യത്തിയാക്കാവുന്നതാണ്.